Ukens statistikk nr. 37, 1997

Arbeidskraftundersøkelsen, Skift- og turnusarbeid

Det er oppdaget feil i disse tallene. Nye tall for arbeidstidsordninger er publisert på www.ssb.no/akutidord.

303 000 tilsette hadde skift- eller turnusarbeid i 2. kvartal 1997. Dette utgjer 15 prosent av alle tilsette, mot 16 prosent same kvartal i 1996. Skift- og turnusarbeid er framleis meir utbreidd blant kvinner enn blant menn.

17 prosent av dei kvinnelege og 13 prosent av dei mannlege tilsette hadde skift- eller turnusarbeid i 2. kvartal 1997. Deltidsarbeid er meir vanleg for dei som arbeider skift- og turnusarbeid enn blant tilsette i alt, 39 og 27 prosent. 21 prosent av alle deltidstilsette hadde skift- eller turnusarbeid samanlikna med 13 prosent av dei heiltidstilsette. Dette er omtrent på same nivå som 2. kvartal i fjor.

Reduksjon i hotell- og restaurantnæringa
Næringar med høgt innslag av skift- og turnusarbeid er hotell- og restaurantnæringa, helse- og sosialtenester og olje- og gassutvinning. 35 prosent av dei tilsette i hotell- og restaurantverksemda inngår i ei skift- eller turnusordning. Dette er ein nedgang på 8 prosentpoeng frå same tid i fjor. Denne nedgangen kjem stort sett av ein reduksjon blant kvinnelege skift- og turnusarbeidarar i denne sektoren. Innslag av skift- og turnusarbeid i helse- og sosialtenester er på 29 prosent, mot 30 prosent i fjor. 29 prosent av dei tilsette i olje- og gassutvinning inngår i ei skift- eller turnusordning, om lag same nivå som året før.

Om statistikken
Tala frå AKU er utrekna på grunnlag av intervju med eit utval personar (24000 i kvartalet). For tal frå utvalsundersøkingar som AKU må ein ta omsyn til utvalsvariansen ved tolking av tala. Mindre skilnader kan liggje innafor feilmarginen.

Figur 2: Andel tilsette med skift- eller turnusarbeid i alt og i utvalde næringar. 2. kvartal 1996 og 1997. Prosent

Ny statistikk

Arbeidskraftundersøkinga , 2. kv. 1997.
Meir informasjon: Elisabeth Sand, tlf. 21 09 44 63, e-post: esa@ssb.no eller Tor Petter Bø, tlf. 21 09 47 87, e-post: tpb@ssb.no.

Ukens statistikk nr. 37, 1997