53787_not-searchable
/arbeid-og-lonn/statistikker/komregsys/aar-forelopige
53787
Vekst i helse- og sosialtenestene
statistikk
2011-03-15T10:00:00.000Z
Arbeid og lønn;Offentlig sektor
no
komregsys, Sysselsette i kommunal sektor, avtalte årsverk, kommunale tenester (for eksempel pleie- og omsorg, barnehagar, skole), fylkeskommunale tenester (for eksempel vidaregåande opplæring, tannhelse, administrasjon)KOSTRA, Offentlig forvaltning , Sysselsetting, Arbeid og lønn, Offentlig sektor
false

Sysselsette i kommunal sektor, 2010, førebelse tal, 4. kvartal

Variantar av denne statistikken:

  • Årleg
  • Årleg, førebelse tal (valgt)

Innhald

Publisert:

Du er inne i ei arkivert publisering.

Gå til den nyaste publiseringa

Vekst i helse- og sosialtenestene

Førebelse tal for sysselsette i kommunal forvaltning syner ein vekst på 1,3 prosent, tilsvarande nær 6 500 personar, i 4. kvartal 2010 samanlikna med same kvartal året før.

Av dei 495 000 sysselsette i kommunal forvaltning, var 448 000 sysselsette i kommunane og 47 000 i fylkeskommunane i 4. kvartal 2010.

Auke på nær 6 000 sysselsette i kommunane

Kommunane hadde ein auke på nær 6 000 sysselsette samanlikna med 4. kvartal 2009. Sidan mange arbeider deltid innanfor dei kommunale tenestene, svarer 447 000 sysselsette personar til nær 346 000 årsverk. Frå 2009 til 2010 var det ein auke på 5 600 årsverk. Helse- og sosialtenestene stod for 66 prosent av veksten, tilsvarande 3 700 årsverk.

Sysselsette, avtalte årsverk og avtalte årsverk eksklusive lange fråvere i kommunane og fylkeskommunane1. 4.kvartal 2005-2010. Førebelse tal
I alt i kommune og fylkeskommune 2005 2006 2007 2008 2009 2010 Endring 2009-2010 Prosentvis endring 2009-2010
Sysselsette  450 564  456 312  472 461  479 300  488 684  495 137 6 453 1,3
Avtalte årsverk  340 846  350 886  364 066  373 745  380 902  387 127 6 225 1,6
Avtalte årsverk eksklusive lange fråvere  308 599  317 620  329 579  338 646  342 988  352 360 9 371 2,7
Av dette                
Kommune i alt                
Sysselsette  406 789  411 396  426 152  433 600  441 899  447 863 5 964 1,3
Avtalte årsverk  303 371  312 249  324 611  334 178  340 287  345 881 5 593 1,6
Avtalte årsverk eksklusive lange fråvere  273 616  281 527  292 706  301 735  305 348  313 749 8 401 2,8
                 
Fylkeskommune i alt                
Sysselsette 43 775 44 916 46 309 45 700 46 785 47 274  489 1,0
Avtalte årsverk 37 475 38 637 39 456 39 567 40 615 41 247  632 1,6
Avtalte årsverk eksklusive lange fråvere 34 983 36 093 36 873 36 910 37 640 38 611  971 2,6
1  Oslo er inkludert i fylkeskommunane berre for videregåande opplæring.

Avtalte årsverk i kommunane, etter område. 2010. Prosent

Årsverk i helse- og sosialtenestene utgjer over 42 prosent av årsverka totalt i tenestene kommunane utfører. Størst av desse er pleie- og omsorgstenestene. Barnehagane har òg vore i vekst over fleire år, men veksten er betydeleg lågare i 2010 enn tidlegare år. Det heng saman med at ein har nådd målet om full barnehagedekning.

Vekst i pleie- og omsorgstenestene

På visse tenesteområde kjøper ein del kommunar tenester frå private eller organiserer verksemda si i kommunale selskap. Årsverk knytte til desse er ikkje med i tala som er presenterte over.

Når ein tek med tenestene i desse selskapa, syner dei førebelse tala for avtalte årsverk i pleie og omsorg ein auke på 2,7 prosent, tilsvarande nær 3 300 årsverk, frå 4. kvartal 2009 til 4. kvartal 2010.

Dersom ein ser på dei ulike gruppene av personell, er det årsverk utførte av personar med helse- eller sosialfagleg utdanning som aukar mest frå 2009 til 2010. 69 prosent av årsverka var utførte av personar med ei slik utdanning, medan 26 prosent av pleiepersonellet ikkje var registrert med ei slik utdanning.

Dei private tenestene utgjorde 6,7 prosent av dei avtalte årsverka i 2010, når ein tel pleie- og omsorgstenestene samla, mot 6,5 prosent i 2009.

Avtalte årsverk i fylkeskommunane, etter område. 2010. Prosent

Auke i sysselsetjinga i fylkeskommunane

Over 47 000 var sysselsette i fylkeskommunane per 4. kvartal 2010, tilsvarande 41 200 avtalte årsverk. Samanlikna med tal for 2009 utgjer dette ein auke på 1,6 prosent, eller 630 avtalte årsverk.

Fordelinga i talet på årsverk mellom områda som fylkeskommunen har ansvar for, har vore nær uendra sidan 2005. Som tidlegare år er det vidaregåande opplæring som står for 82 prosent av dei avtalte årsverka.

Om talgrunnlaget

Vi gir tal både for fylke og kommune. Oslo kommune har ei særstilling sidan han både har kommunale og fylkeskommunale oppgåver. I presentasjonen av tala for fylkeskommunane er Oslo berre med under tenester innanfor vidaregåande opplæring. Tenestene som Oslo kommune elles er ansvarleg for er berre med i tal for kommunane.

Tala som omtalast i artikkelen, og dei tilhøyrande tabellane, gjeld kommunal forvaltning og omfattar ikkje verksemda i sjølvstendige kommuneføretak (KF, FKF) og interkommunale selskap (IKS). I KOSTRA er tal for årsverk i slike verksemder rekna med når ein lagar tal for kommune/fylkeskommunen som konsern. Desse tala er presenterte i eigne faktaark i KOSTRA .

Tannhelsetenesta i einskilde fylke er organisert som slike sjølvstendige føretak og er difor ikkje med i tala for fylkeskommunane, men desse føretaka er rekna med når ein lagar tal for fylkeskommunane som konsern.

Tabeller: