Sysselsette i kommunal sektor, 2007, 4. kvartal

Kommunane og fylkeskommunane sysselsette til saman 472 461 personar i 2007, svarande til 364 066 årsverk. Av dei sysselsette var 90 prosent tilsette i kommunane.

Helse- og sosialtenestene er framleis det største området innanfor kommunal sektor, med 42 prosent av dei avtalte årsverka. Grunnskulen har 27,3 prosent og barnehagane har 10,9 prosent av dei avtalte årsverka.

Barnehagane er òg det området etter helse- og sosialtenester der sysselsetjinga har auka mest i absolutte tal, med ein auke på vel 3 500 årsverk.

Auke i avtalte årsverk i pleie og omsorg

Auken i avtalte årsverk i pleie og omsorg i kommunal og privat sektor var på 4,4 prosent samanlikna med 2006. Talet på årsverk er no 118 208. Dersom ein ser på dei ulike gruppene av personell, er det i første rekkje årsverk utførte av personar med helse- eller sosialfagleg utdanning som aukar. Men det er òg vekst i avtalte årsverk utført av dei utan helseutdanning som arbeider innanfor området.

Fylkeskommunane har flest årsverk i vidaregåande opplæring

Fylkeskommunane sysselsette 46 309 personar, svarande til 39 456 årsverk. 83,4 prosent av dei avtalte årsverka i fylkeskommunane er i tilknyting til vidaregåande opplæring, medan 9,9 prosent er i tilknyting til administrasjon. I tala for fylkeskommunane er Oslo med under tenester innanfor vidaregåande opplæring. Oslo er elles berre med i kommunetala. Tannhelsetenesta i einskilde fylke er organisert som eigne føretak og er difor ikkje med i tala for fylkeskommunane, men desse føretaka er rekna med når ein lagar tal for kommunar og fylke som konsern.

Tabeller:

• Tabell 1 Avtalte årsverk i kommunane og fylkeskommunane, etter område. 4. kvartal 2005, 2006 og 2007
• Tabell 2 Avtalte årsverk og avtalte årsverk eksklusive lange fråver i pleie og omsorg. 1994 -2007 (Tall rettet 21. november 2008)