140146_not-searchable
/arbeid-og-lonn/statistikker/lonnfinans/aar
140146
Lønna opp 6,3 prosent i bank og forsikring
statistikk
2013-11-14T10:00:00.000Z
Arbeid og lønn
no
lonnfinans, Lønn for tilsette i finanstenester, bank, forsikring, finansiell tenesteytingLønn og arbeidskraftkostnader, Arbeid og lønn
false

Lønn for tilsette i finanstenester, 1. september 2013

Lønnsstatistikk 2015 for alle næringshovedområder og ulike områder i offentlig sektor, vil bli publisert samlet 3. mars 2016 i statistikken Lønn, alle ansatte.

Innhald

Publisert:

Du er inne i ei arkivert publisering.

Gå til den nyaste publiseringa

Lønna opp 6,3 prosent i bank og forsikring

Gjennomsnittleg månadslønn for heiltidstilsette i bank og forsikring utgjorde 54 300 kroner i september 2013. Dette er ein auke på 6,3 prosent frå same tidspunkt i fjor.

Heiltidstilsette i finanstenester, etter næring. Månadslønn og avtalt månadslønn. Gjennomsnitt per september. Kroner og endring i prosentPublisert 14. november 2013
MånadslønnAvtalt månadslønn
201220132012 - 2013201220132012 - 2013
Finanstenester, i alt54 40056 9004,648 70050 2003,1
Bank- og forsikringsverksemd51 10054 3006,346 60048 3003,6
Anna finansiell tenesteyting64 60064 6000,055 10055 9001,5

Kilde: Statistisk sentralbyrå

Denne auken i månadslønna utgjorde 3 200 kroner. Nær halvparten av auken kjem av auka utbetalingar av bonusar.

Til samanlikning utgjorde avtalt månadslønn i gjennomsnitt 48 300 kroner. Dette var ein auke på 3,6 prosent frå året før.

Bank- og forsikringsfunksjonærar, kundebehandlarar og konsulentar, hadde ei månadslønn på 47 100 kroner, eller 5,6 prosent, meir enn året før. Avtalt månadslønn auka i snitt med 3,2 prosent for yrkesgruppa, til 42 100 kroner. Månadslønna til administrerande direktørar auka med 10,1 prosent, frå i snitt 125 400 kroner i 2012 til 138 100 kroner i 2013. Størsteparten av auken skuldast at gjennomsnittlege bonusutbetalingar per månad har auka frå 9 000 kroner i 2012 til 17 800 kroner i 2013. Avtalt månadslønn for direktørane har i same periode auka frå 113 600 kroner til 118 000 kroner. Dette tilsvarar ein auke på 3,9 prosent.

Uendra månadslønn i anna finansiell tenesteyting

Tilsette i verksemder som driv med anna finansiell tenesteyting, hadde ei gjennomsnittleg månadslønn eksklusive overtidsgodtgjersle på 64 600 kroner per september 2013. Dette er uendra frå same tidspunkt i fjor. Avtalt månadslønn hadde ein auke på 1,5 prosent i same periode.

Tilsette i yrke på høgskulenivå hadde ei avtalt månadslønn på 50 800 kroner, som tilsvarar ein auke på 1 400 kroner, eller 2,8 prosent, frå same tidspunkt året før. Denne yrkesgruppa omfattar mellom anna aksjemeklarar, porteføljeforvaltarar og konsulentar.

Administrerande direktørar hadde til samanlikning i snitt ei månadslønn på 140 200 kroner. Dette var ein nedgang på 5 400 kroner, eller 3,7 prosent, frå 2012. Bonusutbetalingane gjekk i snitt ned frå 24 300 kroner per månad i 2012 til 22 400 kroner i 2013. Dette tilsvarar ein nedgang på 7,8 prosent. Avtalt månadslønn er redusert med 3,3 prosent, frå 120 700 kroner i 2012 til 116 700 kroner i 2013.

Tal på tilsette i statistikkgrunnlagetÅpne og lesLukk

Statistikken byggjer på eit utval verksemder i finanstenester med til saman 39 012 heiltidstilsette og 3 979 deltidstilsette. Ifylgje Verksemd- og føretaksregisteret har finanstenester til saman 45 800 tilsette per september 2013.