Innhald
Publisert:
Du er inne i ei arkivert publisering.
Månadslønna opp med 3 000 kroner
Gjennomsnittleg månadslønn eksklusive overtidsgodtgjersle for heiltidstilsette i kraftforsyning utgjorde 49 900 kroner per 1. oktober 2013. Dette er ein auke på 3 000 kroner, eller 6,4 prosent, frå same tidspunktet året før.
| Månadslønn | Avtalt månadslønn | |||||
|---|---|---|---|---|---|---|
| 2012 | 2013 | 2012 - 2013 | 2012 | 2013 | 2012 - 2013 | |
| 1Talene for 2011 er korrigerte i førehald til tidlegare publisering. | ||||||
| Kraftforsyning i alt | 46 900 | 49 900 | 6,4 | 45 200 | 48 000 | 6,2 |
| Leiaryrke | 73 600 | 76 800 | 4,3 | 71 900 | 74 400 | 3,5 |
| Akademiske yrke | 56 500 | 61 000 | 8,0 | 55 300 | 59 100 | 6,9 |
| Høgskuleyrke | 48 900 | 51 200 | 4,7 | 47 000 | 49 100 | 4,5 |
| Elkraftingeniørar og -teknikarar | 48 400 | 50 900 | 5,2 | 46 200 | 48 400 | 4,8 |
| Kontor- og kundeserviceyrke | 35 400 | 37 700 | 6,5 | 34 900 | 37 100 | 6,3 |
| Handverkarar o.l. | 37 600 | 39 400 | 4,8 | 35 700 | 37 500 | 5,0 |
| Energimontørar | 37 500 | 39 300 | 4,8 | 35 600 | 37 200 | 4,5 |
| Yrke utan krav til utdanning | 38 800 | 41 000 | 5,7 | 36 500 | 38 200 | 4,7 |
I kraftforsyning er fleirtalet av dei tilsette menn med ei gjennomsnittleg månadslønn eksklusive overtidsgodtgjersle på 50 400 kroner. Dette er ein auke frå året før på 3 000 kroner. Til samanlikning hadde kvinner på same tid ei månadslønn på 48 000 kroner. Dette svarar til ein lønnsvekst på 3 500 kroner i perioden. Menn er tilsette i yrke som montørar og ingeniørar, medan dei få kvinnene i næringa stort sett er tilsette i kontoryrke.
1 800 kroner i lønnsauke til energimontørar
Om lag kvar femte tilsette i kraftforsyning er tilsett som energimontørar. Yrkesgruppa omfattar elkraftmontørar eller elektrofagarbeidarar. Det er dei som byggjer og held ettersyn med kraftnett og kraftstasjonar. I oktober 2013 hadde yrkesgruppa ei gjennomsnittleg månadslønn eksklusive overtidsgodtgjersle på 39 300 kroner. Dette utgjer ein lønnsauke på 1 800 kroner, eller 4,8 prosent, frå det same tidspunktet året før.
Elkraftingeniørar opp 2 500 kroner i månadslønn
Ei anna stor yrkesgruppe i kraftforsyning er elkraftingeniørar som har høgskuleutdanning. Per 1. oktober 2013 hadde dei i snitt ei månadslønn eksklusive overtidsgodtgjersle på 50 900 kroner. Dette er 2 500 kroner, eller 5,2 prosent, meir enn på same tidspunktet i 2012.
4 500 kroner meir til sivilingeniørar
Tilsette i akademiske yrke som til dømes sivilingeniørar, hadde ei gjennomsnittleg månadslønn eksklusive overtidsgodtgjersle på 61 000 kroner i oktober 2013. Dette er 4 500 kroner, eller 8 prosent, meir enn på det same tidspunktet året før.
Administrative leiarar hadde til samanlikning ei gjennomsnittleg månadslønn eksklusive overtidsgodtgjersle på 76 800 kroner, som er ein auke på 3 200 kroner, eller 4,3 prosent, frå året før.
Antall tilsette i statistikkgrunnlagetÅpne og lesLukk
Statistikken byggjer på eit utval av verksemder i næringshovudområdet kraftforsyning, med til saman 9 753 heiltidstilsette og 725 deltidstilsette. Ifølgje Verksemd- og føretaksregisteret hadde næringshovudområdet til saman 14 600 tilsette per oktober 2013. Næringshovudområdet inneheld både offentlege og private verksemder som driv med produksjon, overføring og distribusjon av elektrisitet.
Statistikken blir no publisert saman med Lønn.
Tilleggsinformasjon
Lønnsstatistikken har teljingspunkt 1. oktober kvart år uavhengig av tidspunktet for når resultata frå lønnsoppgjera gjeld. Dette kan påverke lønnsendringane i statistikken.
Strukturelle endringar i næringshovudområdet vil også kunne påverke endringane som blir målt. Dette kan vere tilhøve som endringar i sysselsetjingsmønsteret, eller at personar skifter jobb mellom ulike næringar og yrke med forskjellig lønnsnivå. I tillegg blir tala påverka av forskjeller mellom dei som kjem inn i og dei som går ut av arbeidsmarknaden.
Kontakt
-
SSBs informasjonstjeneste
E-post: informasjon@ssb.no
tlf.: 21 09 46 42