Færre inngåtte ekteskap

I 2018 var det nær 1 200 færre vigslar enn året før. Det var nedgang i talet på inngåtte ekteskap i alle fylka, unntatt i Vestfold. Med 9 500 skilsmisser og 10 600 separasjonar var det  300 færre par som skilde lag samanlikna med 2017, mens talet på separasjonar auka noko.

Talet på inngåtte ekteskap mellom likekjønna par auka frå 250 i 2013 til 330 i 2017 og var på same nivå i 2018. 58 prosent av giftemåla var mellom kvinner, syner statistikken over inngåtte ekteskap. Året før var delen  likekjønna ekteskap mellom kvinner noko høgare, 64 prosent. Talet på separasjonar blant like kjønn aukar, særleg i ekteskap mellom kvinner. I 2018 søkte 88 par om separasjon, noko som er det største talet sidan ekteskapslova vart innført. Det var og 55 skilsmisser i denne gruppa. Når det gjeld ekteskap mellom menn, søkte 53 om separasjon og 25 skilde seg.