Lågaste fødselsoverskot sidan 1985

Vi blei 7 200 fleire i 1. kvartal og folketalet i Noreg er nå 5,3 millionar. Det blei født 400 færre barn og nær 300 fleire døde i 1. kvartal i år enn i tilsvarande kvartal i fjor.

Fødselsoverskotet vart på 1700, det lågaste i første kvartal sidan 1985.

Låg nettoinnvandring

Nettoinnvandringa er framleis låg. Tala viser at 13 300 flytta til Noreg i 1. kvartal og 7 900 flytta ut. Den låge nettoinnvandringa saman med det låge fødselsoverskotet ga oss låg folkevekst sett i høve til tala for nokre få år sidan. Dei fire siste åra har veksten i folketalet minka i det første kvartalet i høve til året føre.

Akershus var det fylket som hadde den høgaste folkeveksten i dette kvartalet. Hovudstaden hadde også ein stor folkevekst. I Oslo kom veksten hovudsakeleg frå eit stort fødselsoverskot medan veksten i Akershus hadde si årsak i stor netto innflytting spesielt frå andre stader innanlands. Den høgaste netto innanlandske utflyttinga sett i høvet til folketalet hadde Finnmark og Sogn og Fjordane. Fem fylke hadde ikkje folkevekst: Hedmark, Oppland, Sogn og Fjordane, Telemark og Finnmark.

Utanlandske statsborgarar

Vi finn framleis flest syrarar og polakkar på lista over utanlandske statsborgarar som har innvandra. Om lag 1 600 syrarar ble registrert som innvandra til Noreg i 1. kvartal. Talet for polakkar var om lag like høgt, men mange polakkar ble óg registrert som utvandra.