Utenlandske statsborgere, 1. januar 2000

Størst auke var det i talet på jugoslaviske stasborgarar som stod for 35 prosent av heile auken, med 4 800. Storparten av dette kom av krigen i Kosovo. Talet på busette jugoslaviske statsborgarar vart dermed 10 200 ved siste årsskiftet. Sjølv med mange overgangar til norsk statsborgarskap av jugoslavar i 1999, har denne gruppa vakse til ein av dei fem største gruppene som har utanlandsk statsborgarskap.

Etter fleire år med mange asylsøkjarar frå Irak, stod talet på irakiske statsborgarar for den nest største auken med 1 600 personar. Dermed er dei den nest største gruppa av asiatiske statsborgarar med 5 800 busette. Pakistanske statsborgarar er det framleis flest av (7 400). Pakistanarane har stort sett budd lenger i Noreg enn irakarane, og difor har mange fått rett til norsk statsborgarskap. I alt er det 21 900 personar med pakistansk bakgrunn i Noreg.

Flest svenskar og danskar

Blant utanlandske statsborgarar er det flest busette med svensk statsborgarskap, 25 100. Deretter kjem dei med dansk statsborgarskap, 19 200. Ser vi bort frå dei med nordisk statsborgarskap, er det flest busette utlendingar her i landet som har statsborgarskap frå Bosnia-Hercegovina (12 200), Storbritannia (11 400), Jugoslavia (10 200), USA (8 300) og Pakistan (7 400).

Kvar fjerde utlending er under 20 år

23 prosent av dei utanlandske statsborgarane er under 20 år, vel 70 prosent er i aldersgruppa 20 til 64 år og 5 prosent er 65 år og over.

I Norden har Sverige flest utlendingar

I Noreg står utanlandske statsborgarar for 4,0 prosent av totalt folketal. Tilsvarande tal for Sverige var 5,7, Danmark 4,8, Island 2,4 og Finland 1,7 i 1999.

Tabeller:

• Tabell 1 Utanlandske statsborgarar. Absolutte tal og i prosent av folkemengda, etter fylke. 1. januar 1976-2000
• Tabell 2 Utanlandske statsborgarar, etter statsborgarskap per 1. januar 1975-2000
• Tabell 3 Utanlandske statsborgarar, etter kjønn, alder og statsborgarskap. 1. januar 2000
• Tabell 4 Utanlandske statsborgarar, etter kjønn, sivilstand og statsborgarskap. 1. januar 2000
• Tabell 5 Utanlandske statsborgarar, etter sivilstand, kjønn og alder. 1. januar 2000
• Tabell 6 Utanlandske statsborgarar, etter kjønn, sivilstand, alder og fylke. 1. januar 2000
• Tabell 7 Utanlandske statsborgarar, etter statsborgarskap og fylke. 1. januar 2000
• Tabell 8 Utanlandske statsborgarar, etter statsborgarskap. Utvalde kommunar. 1. januar 2000