Vekst i industriproduksjonen

Indeksnivået for industriproduksjonen var på 115,3 (2005=100) i 4. kvartal 2017, mot 114,0 i føregåande kvartal. Glatta sesongjusterte tal viser ein aukande trend for dei siste tre månadene (sjå figur 1).

Tremånadersendring: bred auke i industriproduksjonen i 4. kvartal 2017

Sesongjusterte tal viser at industriproduksjonen hadde ein oppgang på 1,1 prosent i 4. kvartal 2017 samanlikna med det føregåande kvartalet. Den samla veksten i industrien er knyta til høgare aktivitet innanfor både petroleumsretta leverandørindustri og annan industri. Det var bygging av skip og oljeplattformar som bidrog mest til den samla auka med en vekst på 4 prosent. Oppgangen kan særleg knytast til ein auke i bygging av skip.

Årsendring: liten auke i industriproduksjonen i 2017

Kalenderjusterte tal viser ei årsendring for industriproduksjonen på 0,4 prosent frå 2016 til 2017. Statistisk Sentralbyrå vil onsdag 28. februar publisere ein eiga årsartikkel om den samla industriproduksjonen i 2017.

Månadsendring: auke i industrien frå november til desember

Sesongjusterte tal viser at industriproduksjonen hadde ein auke på 1,3 prosent frå november til desember 2017. Det var næringsmiddelindustrien saman med trelast- og trevareindustri, samt maskinreparasjon og -installasjon som bidrog mest til auka. I førstnemnde næring skyldast veksten i sær høgare aktivitet innan foredling og konservering av fisk.

Tolvmånadersendring: produksjonsvekst både i eurosona og i Noreg i november 2017

Kalenderjusterte tal viser at norsk industriproduksjon hadde ein solid auke på 2,3 prosent frå november 2016 til november 2017. Dataindustri og elektrisk utstyrsindustri bidrog saman med næringsgruppa oljeraffinering, kjemisk og farmasøytisk industri mest til oppgangen. Estimerte tal frå Eurostat, statistikkontoret i EU, viser at industriproduksjonen i land i eurosona hadde ein kraftig auke på  heile 4,2 prosent i den same perioden.

Tremånadersendring: tydeleg nedgang i den samla produksjonsindeksen

Produksjonsindeksen for olje- og gassutvinning, industri, bergverksdrift og kraftforsyning samla (PII) hadde eit tydeleg fall på 2,5 prosent i 4. kvartal 2017 samanlikna med det føregåande kvartalet. Fallet heng særskild saman med ein kraftig nedgang innanfor utvinning av naturgass på heile 10,5 prosent. Utvinning av råolje gikk òg ned, med 5,8 prosent. For fleire detaljar om olje- og gassproduksjonen i desember 2017 sjå pressemelding frå Oljedirektoratet.

Innanfor utvinningstenester var det eit fall i produksjonen på 1,4 prosent i 4. kvartal 2017 samanlikna med føregåande kvartal. Nedgangen må sjåast i samanheng med ferdigstilling av nokre store prosjekt i kvartalet før.

Bergverksdrift hadde på si side ein tydeleg nedgang på 4,2 prosent i den same perioden, medan produksjon innanfor norsk kraftforsyning var om lag uendra.