Pandemien har gitt fleire mjølkekyr

Frå 2020 til 2021 auka det samla talet på storfe med 7 200 til 883 900. I samband med corona-pandemien har det vore auke i etterspurnaden etter mjølk og kjøt, og det har medført ein auke i talet på både mjølkekyr og ammekyr. Talet på ammeku auka med 6 600 til 104 800 i 2021. I same perioden gjekk talet på andre storfe ned med 4 800 til 565 900. For storfe og gris er det auka behovet for kjøt forsøkt dekt gjennom lengre framfôringstider.

Fleire med ammekyr

Frå 2020 til 2021 viser førebelse tal frå statistikken Husdyrhald at det var ein nedgang i talet på søkarar om produksjonstilskott for alle husdyrslaga med unnatak av ammeku. Drygt 5 900 jordbruksbedrifter hadde ammekyr, vel 200 fleire enn året før. 6 900 jordbruksbedrifter hadde mjølkekyr, knapt 300 færre enn eitt år tidlegare. For dei andre dyreslaga var det ein svak nedgang i talet på søkarar.

Færre alssvin

Talet på alssvin gjekk ned med knapt 3 prosent til 75 200. frå 2020 til 2021. Det var i alt drygt 900 jordbruksbedrifter som hadde alssvin i 2021, knapt tre prosent færre enn året før.

Talet på mjølkegeit endra seg lite frå 2020 til 2021, og var 36 000 i 2021. Talet på sau over 1 år per 1. mars var 948 200, og dette var 700 fleire enn året før. I alt 13 500 jordbruksbedrifter hadde vaksne sauer 1. mars, om lag same tal som året før.