Areal av land og ferskvatn, 1. januar 2013

Kommunane 1901 Harstad og 1915 Bjarkøy er slegne saman til kommunen 1903 Harstad som vart ny ved årsskiftet. I samband med dette er det også gjort ei omkoding av grunnkrinsane i denne kommunen.

Eit område er overført frå 1224 Kvinnherad til 1227 Jondal. Like eins er det overført eit område i 1121 Time til 1122 Gjesdal. I samband med desse endringane er det gjort nokre omkodingar av grunnkrinsar. Vidare har det ved deling av gamle krinsar kome nokre nye grunnkrinsar i kommune 1001 Kristiansand.

Kartverket har utført eit større arbeid for å gjere kystlinja meir nøyaktig. Dette gjer at tal for alle fylke, kommunar og grunnkrinsar som grenser mot kyst, er noko justerte. Arealet av Fastlands-Noreg er no berekna til 323 779 km2.

Slik hentar ein ut arealtal frå Statistikkbanken

Om ein ynskjer å få ut tal for den enkelte grunnkrinsen, eller alle grunnkrinsar i heile landet, må dette gjerast i fleire steg:

1. Vel den aktuelle tabellen.

2. Gå til fana som heiter ”Velg via grupper”.

3. Vel så ”region” i rullemeny, og vel ei gruppering i rullemenyen nedanfor.

4. Trykk så på knappen ”Velg som enkeltverdier”. Du kan no gå attende til fana ”Min tabell” og halde fram på vanleg vis for å få ut tal.