Avløps- og renovasjonsverksemd, omsetning, 2. termin 2004

Innanfor oppsamling og behandling av avløpsvatn hadde bedriftene ei omsetning på 140 millionar kronar i 2. termin 2004, ein auke i omsetninga på 46 prosent samanlikna med same periode året før. Bedriftene som arbeider med ytre reinhald, miljørydding, miljøreinsing og liknande verksemder, hadde ei omsetning på 42 millionar kronar i 2. termin 2004. Dette er ein auke på 11 prosent jamført med same termin i 2003.

Bedrifter som driv med innsamling og handtering av anna avfall stod for nesten 9/10 av den totale omsetninga innanfor avløps- og renovasjonsverksemd i 2. termin 2004. Denne næringsundergruppa hadde ei omsetning på 1 407 millionar kronar. Dette tilsvarer ein auke på 11 prosent jamført med same termin i 2003.

Tala for 2003 og 1. termin 2004 har blitt endra sidan førre publisering da enkelte bedrifter har endra næringskode frå 90.010 til 90.020, grunna tilgang på ny informasjon om desse einingane. Dette påverkar ikkje tala for næring 90 totalt.

Tabeller:

• Tabell 1 Omsetning innafor avløps- og renovasjonsverksemd. Omsetning eksklusiv meirverdiavgift. Millionar kronar