Avløps- og renovasjonsverksemd, omsetning, 5. termin 2006

Bedriftene som driv med oppsamling og handtering av avløpsvatn, hadde ein auke i omsetninga i femte termin på 16 prosent samanlikna med femte termin i 2005. Omsetninga var på 226 millionar kroner.

Dei bedriftene som arbeider med ytre reinhald, miljørydding, miljøreinsing og liknande verksemd, hadde ei omsetning på 50 millionar kroner i femte termin 2006. Omsetninga gjekk opp med 14 prosent jamført med den same perioden året før.

I september og oktober 2006 stod omsetninga innanfor innsamling og handtering av anna avfall for om lag 9/10 av den totale omsetninga innan avløps- og renovasjonsverksemd. Denne næringsundergruppa hadde ei omsetning på om lag to milliardar kroner i femte termin 2006. Dette er ein auke i omsetninga på 4 prosent jamført med den same perioden i 2005.

Tabeller:

• Tabell 1 Omsetning innafor avløps- og renovasjonsverksemd. Omsetning eksklusiv meirverdigavgift. Millionar kroner