Prisindeks for engroshandel (opphørt), 1. kvartal 2002

Prisindeksen for engroshandel med drivstoff og brensle viste den største nedgangen med 9,5 prosent i perioden 1. kvartal 2001 til 1. kvartal 2002. For same periode gjekk prisane for engroshandel med innsatsvarer med unntak av jordbruksvarer og engroshandel med klede og skotøy ned med høvesvis 4,6 og 2,6 prosent. Den største auken i prisar var det engroshandel med jernvarer, røyrleggjarartiklar og oppvarmingsutstyr som hadde. Auken for denne næringsgruppa var på 3,5 prosent frå 1. kvartal 2001 til 1. kvartal 2002. Prisindeksen for engroshandel med nærings- og nytingsmiddel og engroshandel med jordbruksråvarer og levande dyr auka med respektive 3,0 og 2,8 prosent i same periode. Engrosprisane for elektrisk utstyr til hushaldet, radio, fjernsyn, plater og kassettar var uforandra.

Billegare brensle og drivstoff

Engroshandel med drivstoff og brensle gjekk ned med 3,0 prosent frå 4. kvartal 2001 til 1. kvartal 2002. Prisane for engroshandel med innsatsvarer med unntak av jordbruksvarer og engroshandel med tømmer, trelast, byggjevarer og sanitærutstyr gjekk ned med respektive 1,5 og 1,3 prosent for same periode. Prisindeksen for engroshandel med klede og skotøy og engroshandel med jernvarer, røyrleggjarartiklar og oppvarmingsutstyr viste derimot ein auke på høvesvis 1,6 og 1,5 prosent frå 4. kvartal 2001 til 1. kvartal 2002. I same periode viste engrosprisane for elektrisk utstyr til hushaldet, radio, fjernsyn, plater og kassettar ingen endring.

Tabeller:

• Tabell 1 Prisindeks for engroshandel (1995=100)
• Tabell 2 Prisindeks for engroshandel. 1. kvartal 1999-1. kvartal 2002. NACE. 1995=100