Innhold
Publisert:
Du er inne i en arkivert publisering.
Moderat prisauke på vegtransport
Prisane på godstransport på veg auka med 1,2 prosent frå 2. til 3. kvartal i år. Prisveksten sidan 3. kvartal 2006 har vore 6,7 prosent.
Indeksen viser prisutviklinga totalt i næringa samt utviklinga for transport av seks ulike frakttypar. Sjølv om det har vore jamn prisvekst mellom dei fleste frakttypane, er årsaka til den totale prisveksten i næringa hovudsakleg veksten i dei tre delindeksane ”tørrgods i bulk”, ”fryste eller kjølte varer” og ”stykkgods/containergods”. Desse indeksane voks med høvesvis 2,2, 1,7 og 1,0 prosent frå 2. til 3. kvartal. Samanlikna med det same kvartalet i året før er det ”tørrgods i bulk” og ”stykkgods/containergods” som har auka mest med høvesvis 9,0 og 8,4 prosentpoeng.
|
Delindeksane viser prisutviklinga for transport av følgjande vareslag: Fryste eller kjølte varer, oljeprodukt, andre væsker eller gassar i bulk, stykkgods/containergods, tørrgods i bulk og annan transport. For å setje saman delindeksane til totalindeksen vert omsetnaden i næringa fordelt på frakttypar nytta som vektgrunnlag. Av frakttypane er det stykkgods/containergods som står for den største delen av omsetnaden i næringa, med nesten 45 prosent. Andre væsker og/eller gassar i bulk er den minste frakttypen med 2,4 prosent av den totale omsetnaden. |
Tabeller:
Statistikken publiseres nå sammen med Produsentprisindekser for tjenester.
Kontakt
-
SSBs informasjonstjeneste
E-post: informasjon@ssb.no
tlf.: 21 09 46 42