12726_not-searchable
/priser-og-prisindekser/statistikker/ppi/arkiv
12726
Produsentprisane opp med 0,6 prosent
statistikk
2000-09-11T10:00:00.000Z
Priser og prisindekser;Energi og industri;Nasjonalregnskap og konjunkturer
no
ppi, Produsentprisindeksen, prisutvikling, inflasjon, hjemmemarked, eksportmarked, konjunkturindikator, innsatsvarer, energivarer, konsumvarer, investeringsvarer, metallindustri, næringsmiddelindustri, oljeraffinering, maskinindustri, gruvedrift, metallpriser (for eksempel gull, aluminium, kobber)Energi, Industri og bergverksdrift, Konjunkturer, Olje og gass, Produsent- og engrosprisindekser, Energi og industri, Nasjonalregnskap og konjunkturer, Priser og prisindekser
false

Produsentprisindeksen, 15. august 2000

Innhold

Publisert:

Du er inne i en arkivert publisering.

Gå til nyeste publisering

Produsentprisane opp med 0,6 prosent

Etter ein svak nedgang førre månad, steig produsentprisindeksen frå juli til august med 0,6 prosent. Den største prisauken kom innan oljeutvinning og bergverksdrift, men òg industrien sine prisar steig. 12-månadsendringa (august 1999 - august 2000) heldt seg stabil på 6,4 prosent.

Prisen på Brent blend steig i august, og etter London Spot Markets (LSM) var den gjennomsnittlege prisauken frå juli til august på 6 prosent (målt i NOK). Dette kjem dels av at den norske krona svekkja seg i høve til dollaren. Rapportar om minkande amerikanske oljelager vert saman med motstridande signal føre OPEC-møtet i september trekte fram som moglege årsaker til prisauken. Saman med ein liten auke innan bryting og utvinning av malm, førte dette til at indeksen for oljeutvinning og bergverksdrift auka med 2,9 prosent frå juli til august. 12-månadsauken gjekk frå 25,6 til 27,4 prosent.

Prisauke innan trevarer og treforedling

Den største auken i industrien kom i produksjon av trevarer, der auka heimemarknadsprisar førte til at indeksen steig med 1,6 prosent. I gruppa treforedling, grafisk produksjon og forlagsverksemd auka prisane med 0,7 prosent. Her kjem auken hovudsakeleg av høgare eksportprisar. Andre grupper med prisauke var metall, der indeksen steig med 1 prosent, og produksjon av verkstadsprodukt, med ein prisauke på 0,2 prosent.

Næringsmiddelprisane noko ned

I den største gruppa næringsmiddel, drikkevarer og tobakk gjekk prisane ned med 0,2 prosent. Heile denne prisnedgangen kom på næringsmiddelsida, medan prisane på drikkevarer og tobakk heldt seg stabile. Det var òg ein liten nedgang i gruppa kjemiske produkt, mineralolje,- kol-, gummi- og plastprodukt. Her var nedgangen på 0,1 prosent.

Industrien under eitt hadde ein prisauke på 0,3 prosent frå juli til august. Med dette gjekk 12-månadsendringa ned frå 4,8 til 4,5 prosent.

Produsentprisindeks. 1981=100
  August
2000 		Endring i prosent
  Juli 2000-
august 2000 		August 1999-
august 2000 		Januar-august 1999 -
januar-august 2000
Totalindeks 179,7 0,6 6,4 7,4
Oljeutvinning og bergverksdrift 140,3 2,9 27,4 40,7
Industri 183,4 0,3 4,5 4,6
Produksjon av næringsmidlar, drikkevarer og tobakksvarer 205,2 -0,2 1,1 0,1
Produksjon av tekstilvarer, bekledningsvarer, lær- og lærvarer 160,4 - 0,9 0,6
Produksjon av trevarer 193,4 1,6 3,5 2,4
Treforedling, grafisk produksjon og forlagsverksemd 210,9 0,7 4,4 4,1
Produksjon av kjemiske produkt, mineralolje-, kol-, gummi- og plastprodukt 151,9 -0,1 13,4 17,8
Produksjon av mineralske produkt 218,3 - 1,3 1,4
Produksjon av metall 147,5 1,0 9,1 9,3
Produksjon av verkstadsprodukt 192,9 0,2 2,0 1,6