12804_not-searchable
/priser-og-prisindekser/statistikker/ppi/arkiv
12804
Ny prisnedgang for industrien
statistikk
2009-03-10T10:00:00.000Z
Priser og prisindekser;Energi og industri;Nasjonalregnskap og konjunkturer
no
ppi, Produsentprisindeksen, prisutvikling, inflasjon, hjemmemarked, eksportmarked, konjunkturindikator, innsatsvarer, energivarer, konsumvarer, investeringsvarer, metallindustri, næringsmiddelindustri, oljeraffinering, maskinindustri, gruvedrift, metallpriser (for eksempel gull, aluminium, kobber)Energi, Industri og bergverksdrift, Konjunkturer, Olje og gass, Produsent- og engrosprisindekser, Energi og industri, Nasjonalregnskap og konjunkturer, Priser og prisindekser
false

Produsentprisindeksen, 15. februar 2009

Innhold

Publisert:

Du er inne i en arkivert publisering.

Gå til nyeste publisering

Ny prisnedgang for industrien

Produsentprisindeksen for olje- og gassutvinning, industri og bergverksdrift samt kraftforsyning gjekk ned 2,3 prosent frå januar til februar. Innanfor industrien minka prisane 0,3 prosent, men det er ulik utvikling på eksportmarknaden og på heimemarknaden.

Prisutviklinga for utvalde varegrupper. 2000=100

Produsentprisindeksen for olje- og gassutvinning, industri og bergverksdrift samt kraftforsyning gjekk ned 2,3 prosent frå januar til februar. Prisane innanfor utvinning av råolje og naturgass minka 3,5 prosent og sørgde med det for det viktigaste bidraget til denne nedgangen. Elektrisitetsprisane fall 12,6 prosent i denne perioden.

Ny prisnedgang i industrien

Prisane innanfor industrien gjekk ned 0,3 prosent frå januar til februar. Ei viktig årsak til dette var at prisane innanfor petroleums- og kolvareindustrien fall 0,4 prosent i denne perioden. Samstundes held prisnedgangen i metallindustrien fram. Frå januar til februar gjekk prisane ned 2,4 prosent. Prisane på ikkje-jernhaldige metall gjekk ned med 1 prosent og også annan metallindustri hadde stor prisnedgang i denne perioden. Prisane innanfor kjemisk og farmasøytisk industri gjekk ned 2 prosent.

Det var fleire delar av industrien som hadde prisoppgang frå januar til februar, mellom anna næringsmiddelindustrien og maskinindustrien, der prisane steig høvesvis 1,2 og 1,1 prosent frå januar til februar.

Ulik utvikling på eksport- og heimemarknaden

Sjølv om prisane i industrien totalt gjekk noko ned frå januar til februar, var det ein oppgang i industriprisane på 0,9 prosent på heimemarknaden. Mellom anna hadde kjemisk og farmasøytisk industri og næringsmiddelindustrien ei sterkare prisutvikling på heimemarknaden enn på eksport- og heimemarknadene sett under eitt.

Lågare tolvmånadersvekst

Produsentprisindeksen for olje- og gassutvinning, industri og bergverksdrift samt kraftforsyning hadde ein tolvmånadersvekst på 0,2 prosent i februar, ned frå 3,9 prosent i januar.

For industrien har det vore ein prisnedgang på 2,2 prosent frå februar 2008 til februar 2009. Det er prisane innanfor petroleums- og kolvareindustri, og metallindustrien, som har falle mest, med høvesvis 26,9 og 11 prosent lågare prisar i februar 2009 enn i februar 2008. Dei fleste andre delane av industrien har hatt vekst i prisane i den same perioden, men for fleire industriar gjekk tolvmånadersveksten ned frå januar 2009 til februar 2009.

Viktig melding: Ny næringsklassifisering

Frå januar 2009 skal ein ny versjon av Eurostats næringsklassifisering NACE, ein nomenklatur for klassifisering av bedrifter og føretak i ulike næringar, brukast. Produsentprisindeksen (PPI) og vareprisindeksen for industrinæringane (VPPI) blir påverka av endringane i nomenklaturen frå og med publiseringa av indeksane for januar 2009. Klikk her for å lese meir om kva dette tyder for brukarane, berekningar og publiseringar . Nokre av indeksseriane etter den nye standarden er berekna på nytt også for tidlegare periodar til publisering av indeksen for februar. Vi ber brukarar som har spørsmål til omlegginga som er knytt til PPI og VPPI om å ta kontakt med statistikkansvarleg på e-post Espen.Kristiansen@ssb.no eller telefon 21 09 45 84.

Produsentprisindeks. 2000=100
  Februar 2009 Endring i prosent
  Januar 2009-
februar 2009 		Februar 2008-
februar 2009
Totalindeks  166,0 -2,3 0,2
       
Utvinning av råolje og naturgass  185,1 -3,5 2,2
Industri og bergverksdrift  130,6 -0,3 -2,0
Kraftforsyning  282,5 -12,6 9,1
       
Etter varetype      
Innsatsvarer  130,9 1,1 0,0
Investeringsvarer  125,6 0,4 7,4
Konsumvarer  121,9 0,8 5,4
Energivarer  192,7 -3,5 -1,5

Se også informasjon om vareprisindeksen for industrinæringene