Færre hotellovernattingar i februar

Publisert:

I februar 2017 var det 1,6 millionar overnattingar ved norske hotell. Dette er 2 prosent færre enn i den same månaden i 2016 viser nye tal frå statistikken Overnattingar

Talet på norske hotellovernattingar gjekk opp 1 prosent frå februar 2016 og enda på 1,2 millionar i februar 2017. I det same tidsrommet gjekk talet på utanlandske overnattingar ned 12 prosent til drygt 390 000 overnattingar. 

Figur 1. Hotell og liknande overnattingsbedrifter. Overnattingar, etter gjestane sitt bustadland

Januar 2016 Januar 2017
I alt 1632891 1596695
Noreg 1192452 1207545
Utlandet 440439 389150

Sett i høve til februar 2016 gjekk losjiomsetninga på hotella ned med 3 prosent, frå 1 018 millionar til 989 millionar kroner. Gjennomsnittsprisen per rom var 931 kroner i februar i år, som er 2 prosent høgare enn i februar året før.

Talet på overnattingar i samband med ferie og fritid gjekk opp 1 prosent frå februar 2016, medan yrkesovernattingar og kurs- og konferanseovernattingar gjekk ned høvesvis 6 og 3 prosent.

Færre campingovernattingar

  • 131 000 overnattingar i februar 2017
  • 21 prosent nedgang sidan februar 2016
  • Norske overnattingar gjekk ned 30 prosent
  • Utanlandske overnattingar gjekk opp 35 prosent

 

Færre overnattingar på hyttegrendene

  • 206 000 overnattingar
  • 14 prosent nedgang frå februar 2016
  • Norske overnattingar gjekk ned 23 prosent
  • Utanlandske overnattingar gjekk ned 7 prosent

 

Fleire overnattingar på Svalbard

  • 13 000 overnattingar på Svalbard
  • 12 prosent fleire enn i februar 2016
  • 70 prosent av overnattingane var ferie- og fritidsovernattingar

Kontakt