Fleire nordmenn sov på hotell i Oslo

Tal frå Overnattingsstatistikken syner at det var gjort nesten 5 millionar overnattingar ved kommersielle overnattingsverksemder i Noreg i august 2019. Dette er 5,2 prosent fleire enn i august i fjor. Norske overnattingar auka med 4,5 prosent, medan utanlandske overnattingar auka med 6,4 prosent. Fleire overnattingar frå Tyskland, Nederland og Frankrike bidrog mest til auka.

Fleire hotellovernattingar i Oslo

I løpet av august var det 3,1 millionar overnattingar ved norske hotell, ein auke på 5,6 prosent mot august i fjor. Både utanlandske og norske overnattingar auka, med høvesvis 7,1 og 3,0 prosent. Auken kan særlig knytast til fleire norske hotellovernattingar i Oslo. Blant dei utanlandske gjestane i Oslo var det flest amerikanare, tyskarar og spanjolar.

I Oslo vart det i august 2019 registrert langt fleire overnattingar med ferie og fritid som formål enn i same månad i fjor. Det var færre overnattingar knyta til yrke, kurs og konferansar.

Uendra rompris og høgare losjiomsetning

Gjennomsnittsprisen per rom på hotella var 1 008 kroner i august i år, dette er om lag uendra frå august 2018. Losjiomsetninga var 6,2 prosent høgare. Losjiomsetning per tilgjengelige rom (RevPar) for Noreg er om lag uendra, samstundes er det store variasjonar blant fylka. Målt i RevPar, var det fylka Rogaland og Telemark som opplevde den største prosentvise nedgangen, medan Vestfold og Troms på si side fekk den største auken.

Fleire utanlandske overnattingar på camping

• 5,8 prosent fleire overnattingar enn august 2018
• Utanlandske overnattingar gjekk opp 14 prosent
• Norske overnattingar var uendra
• Bubil overnattigar auka med 15 prosent

Oppgang på hyttegrendene

• Norske overnattingar gjekk ned 4,2 prosent
• Utanlandske overnattingar gjekk opp 5,3 prosent