Fleire norske hotellovernattingar

Tal frå Overnattingsstatistikken syner at det var gjort nesten 2 millionar overnattingar ved kommersielle overnattingsverksemder i Noreg i november 2019. Dette er 7,1 prosent  fleire enn i november året før. Av dei utanlandske overnattingane var det flest svenske overnattingar, følgt av amerikanarar. I høve til november 2018 var det størst auke i talet på overnattingar frå Storbritannia og Danmark.

Kjelde: Statistisk sentralbyrå.

Fleire hotellovernattingar

I løpet av november i fjor var det 1,8 millionar overnattingar ved norske hotell, ein auke på 7,5 prosent mot november 2018. Norske hotellovernattingar auka med 94 000, medan utanlandske overnattingar auka med 30 000. Auken  kan særlig knytast til fleire hotellovernattingar i Oslo, Rogaland og Hordaland.

I november var det 18 prosent fleire overnattingar med ferie og fritid som formål samanlikna med november 2018. Det var også ein auke i overnattingar knyta til yrke, medan talet på  overnattingar knyta til kurs og konferansar gjekk ned.

Omlag uendra tal på campingovernattingar

Totalt var det 119 000 overnattingar på campingplassar i november  2019. Nordmenns overnattingar ved campingplassane auka med 2,2 prosent frå november 2018 til november  2019, medan utanlandske overnattingar fall med 18 prosent i same periode.

Oppgang på hyttegrendene

• Norske overnattingar gjekk opp 14 prosent
• Utanlandske overnattingar gjekk opp 19 prosent

Færre overnattingar på Svalbard

• 5 900 overnattingar i november  2019
• Nedgang på 16 prosent mot november 2018
• Norske overnattingar gjekk ned 35 prosent
• Utanlandske overnattingar gjekk opp 51 prosent