Fleire overnattingar i januar

Overnattingsstatistikken visar det det var 1,7 millionar overnattingar registrert i januar 2019 i den kommersielle overnattingstrafikken. Dette er ein auke på 30 000 i høve til januar 2018. Endringane i overnattingar kom av at det var fleire norske overnattingar i januar sett i høve til januar i fjor. Talet på utanlandske overnattingar gjekk litt  ned.

Fleire hotellovernattingar

I løpet av januar var det 1,5 millionar overnattingar ved norske hotell. Dette er ein auke på 2,1 prosent samanlikna med januar 2018. Talet på norske hotellovernattingar auka medan utanlandske gjekk ned.

Det har vore størst auke i talet på overnattingar i Oslo, Rogaland og Akershus. Samstundes har det vore færre hotellovernattingar i Oppland og Vest Agder.

Kjelde: Statistisk sentralbyrå.

Fleire til Svalbard

Hotellovernattingar på Svalbard auka med 23 prosent i januar 2019 målt mot januar 2018. Dette er ein del av ein lengre trend med stadig fleire hotellovernattingar på Svalbard, også utanfor den tradisjonelle sesongen for turistar. I ein månad med relativt like kapasitetsutnytting for heile landet sett under eitt, skilde Svalbard seg ut med auka kapasitetsutnytting.

Målt mot januar 2018 er det også på Svalbard fleire norske overnattingar som bidrar klart mest til auka.

Litt fleire campingovernattingar

• 94 000 overnattingar i januar 2019
• 0,9  prosent oppgang mot  januar 2018
• Norske overnattingar gjekk opp 2,6 prosent
• Utanlandske overnattingar gjekk ned 7,4 prosent

Litt færre overnattingar på hyttegrendene

• 153 000 overnattingar i januar 2019
• Nesten dobbelt så mange utlendingar som nordmenn overnatta på hyttegrender
• Norske overnattingar gjekk ned 6,3 prosent
• Utanlandske overnattingar gjekk opp 1,5 prosent