Noko fleire overnattingar i november

Overnattingsstatistikken viser atdet var 1,85 millionar overnattingar registrerte i november 2018 i den kommersielle overnattingstrafikken, mot 1,83 millionar i same månad i 2017. 

Færre utlendingar             

Samla sett auka norske overnattingar med 1,9 prosent, medan utanlandske overnattingar fall med 3,2 prosent. Nedgangen i utanlandske overnattingar heng særskilt saman med færre turistar frå Storbritannia, Sverige og Asia. USA, Portugal og Italia var landa som hadde størst auke på hotella i Noreg.

Kartet under syner dei totale overnattingane i november 2018 i dei ulike fylka.

Klare regionale skilnadar i utanlandske overnattingar     

Den samla nedgangen i utanlandske overnattingar på 3,2 prosent frå november 2017 har ikkje fordelt seg jamt over heile landet. Det er Oslo, Rogaland og Buskerud som trekker ned, medan Troms, Nordland og Hedmark bidrar til at nedgangen ikkje er større.

Overnattingar på Svalbard hald fram med å auke

Hotellovernattingar på Svalbard auka med 28 prosent frå november 2018 målt mot november 2017. Dette er ein del av ein lengre trend med stadig fleire hotellovernattingar på Svalbard, også utanfor den tradisjonelle sesongen for turistar.

Ser ein på tala bakover i tid, var det til dømes over tre gonger fleire utanlandske overnattingar i november 2018 enn i november 2013, og dei norske overnattingane var nesten dobla i den same perioden.

Fleire overnattingar på campingplassar

• 120 000 overnattingar i november 2018
• Norske overnattingar auka med 21 prosent
• Utanlandske overnattingar auka med 6,1 prosent

Færre overnattingar på hyttegrendene

• 60 000 overnattingar i november 2018
• Norske overnattingar gjekk ned 15 prosent
• Utanlandske overnattingar gjekk ned 18 prosent