Hurtigruten Bergen-Kirkenes, 4. kvartal 2001

Om lag 87 000 passasjerar reiste med Hurtigruta 4. kvartal i fjor. Passasjertrafikken heldt seg relativt stabil i oktober, medan det både i november og desember var ein kraftig auke på høvesvis 22,0 og 18,9 prosent.

6 prosent auke i 2001

Året sett under eitt auka passasjertrafikken med om lag 25 000 reisande frå 2000 til 2001. Auken fordelte seg jamt på nordgåande og sørgåande rute. Passasjertrafikken auka i 1. kvartal med 13,4 prosent og i 2. kvartal med 5,6 prosent samanlikna med 2000. Talet på passasjerar i 3. kvartal heldt seg derimot uendra frå 3. kvartal i 2000.

Bergen og Kirkenes på topp

Talet på passasjerar etter påstigings- og avstigingshamn viser at Bergen og Kirkenes er dei to største hamnane, naturleg nok. 71 456 passasjerar gjekk på eit hurtigruteskip i Bergen, medan 59 197 passasjerar gjekk av. Tilsvarande tal for Kirkenes er høvesvis 49 527 og 57 266.

Tabeller:

• Tabell 1 Hurtigruten Bergen-Kirkenes, 4. kvartal 2001. Passasjertransport
• Tabell 2 Hurtigruten Bergen-Kirkenes. 2001. Talet på passasjerar per hamn