84083_not-searchable
/utdanning/statistikker/barnegenend/aar
84083
Moderat oppgang i barnehagetakstane
statistikk
2012-09-10T10:00:00.000Z
Utdanning;Priser og prisindekser
no
barnegenend, Eigenbetaling i barnehagar, endringstal, foreldrebetaling, barnehagesatsar, private barnehagar, offentlege barnehagarKonsumpriser, Barnehager, Utdanning, Priser og prisindekser
false

Eigenbetaling i barnehagar, endringstal, 15. august 2012, Januar

Innhald

Publisert:

Du er inne i ei arkivert publisering.

Gå til den nyaste publiseringa

Moderat oppgang i barnehagetakstane

Foreldrebetalinga i kommunale og private barnehagar viste ein samla auke på 0,3 prosent frå januar til august 2012. Det var dei private betalingssatsane som bidrog til auken.

På landsbasis viste foreldrebetalinga i dei kommunale barnehagane inga endring frå førre måling i januar til august 2012. Betalingssatsane for barn i private barnehagar gjekk samstundes opp med 0,6 prosent. Dei offentlige barnehagane står for 53 prosent av det totale barnehagetilbodet.

I regionane Hedmark/Oppland og Trøndelag auka prisen 0,3 prosent for dei kommunale barnehagesatsane, medan prisane i Nord-Noreg og Vestlandet begge gjekk opp 0,2 prosent.

Endringa kjem av både auke i opphaldsbetalinga, og nye satsar for kostpengar og andre ekstrakostnadar som skal dekkje utflukter og liknande.

Foreldrebetalinga gjekk opp 0,1 prosent i Oslo og Akershus frå januar til august i år, men det var inga endring i betalingssatsane for gjennomsnittet av kommunane på Sør-Austlandet. Regionen Agder/Rogaland hadde i same periode ein prisnedgang på 0,5 prosent. Kommunane har tilpassa barnehagesatsane til maksimalsatsen på 2 330 kroner i månaden.

Frå august 2011 til august 2012 vart det målt ein oppgang i den samla foreldrebetalinga for det kommunale barnehagetilbodet, på 0,8 prosent.

Maksimumsprisar

Maksimalgrensa for foreldrebetalinga, som er sett av Stortinget, er vidareført i 2012 på det same nominelle nivået som i 2011. Maksimalprisen for ein heiltidsplass er då 2 330 kroner per månad og 25 630 kroner på årsbasis.
Barnehagetakstar. Endring i prosent
 
  August 2011-
januar 2012		    Januar 2012-
august 2012		    August 2012-
august 20124
 
Kommunale og private barnehagar      
Heile landet 0,5 0,3 0,8
       
Kommunale barnehagar      
Heile landet 0,7 0,0 0,8
Oslo og Akershus 0,4 0,1 0,5
Hedmark og Oppland 0,8 0,3 1,1
Sør-Austlandet1 1,0 0,0 1,0
Agder/Rogaland2 1,7 -0,5 1,2
Vestlandet3 0,1 0,2 0,3
Trøndelag 0,2 0,3 0,4
Nord-Noreg 1,1 0,2 1,3
       
Private barnehagar      
Heile landet 0,3 0,6 0,9
 
1  Østfold, Buskerud, Vestfold og Telemark.
2  Aust-Agder, Vest-Agder og Rogaland.
3  Hordaland, Sogn og Fjordane og Møre og Romsdal.
4  Berekna på bakgrunn av ikkje-avrunda endringsratar for januar og august.