Innhald
Publisert:
Lågare barnehagetakstar etter nye moderasjonsordningar
Foreldrebetalinga i kommunale barnehagar viste eit samla fall på 0,5 prosent frå januar 2015 til januar 2016. Fallet skuldas hovudsakleg den nasjonale ordninga for reduksjon i foreldrebetalinga som trådde i kraft 1. mai 2015.
| Januar 2014 - Januar 2015 | Januar 2015 - Januar 2016 | |
|---|---|---|
| Kommunale og private barnehagar | ||
| Heile landet | 2,9 | .. |
| Kommunale barnehagar | ||
| Heile landet | 2,7 | -0,5 |
| Oslo og Akershus | 2,6 | 2,5 |
| Hedmark og Oppland | 3,3 | -3,6 |
| Sør-Austlandet | 1,6 | -1,4 |
| Agder og Rogaland | 3,4 | 2,8 |
| Vestlandet | 2,0 | -0,2 |
| Trøndelag | 3,4 | -6,5 |
| Nord-Noreg | 3,2 | -3,7 |
| Private barnehagar | ||
| Heile landet | 3,2 | .. |
Den nye ordninga for foreldrebetaling skal sikre at ingen hushald betalar meir enn 6 prosent av inntekta si for ein barnehageplass. I tillegg skal hushald med inntekt lågare enn 405 000 kroner ha gratis kjernetid for 4- og 5-åringar. Sjølv om maksimalgrensa sett av Stortinget auka, frå 2480 kroner i januar 2015 til 2655 kroner i januar 2016, var dei nye moderasjonsordningane kraftige nok til å trekke den gjennomsnittlege prisen ned mange stader. Dette gjeld spesielt områder som tidlegare hadde høge minimumssatsar og lite innslag av inntektsgradert betaling.
Grunna uvisse i datamaterialet, publiserer vi ikkje tal for private barnehagar i år. Vi publiserer derfor heller ikkje eit samla endringstal.
Statistikken blir no publisert som Foreldrebetaling i barnehagar.