16153_not-searchable
/utenriksokonomi/statistikker/uhtjenester/aar
16153
Transporttenester størst i 2008
statistikk
2010-08-06T10:00:00.000Z
Utenriksøkonomi
no
uhtjenester, Utanrikshandel med tenester, import, eksport, ikkje-finansielle føretak, tenestetypar (for eksempel sjøtransport, petroleumstenester, forsking og utvikling), samhandel, næringsgrupper (for eksempel transport, forretningsmessig tenesteyting, bergverksdrift og utvinning)Utenrikshandel, Utenriksøkonomi
false

Utanrikshandel med tenester, 2008

Variantar av denne statistikken:

Frå og med 1. kvartal 2011 vart denne statistikken publisert kvartalsvis. Frå og med 2. kvartal 2013 vart tala for utanriks sjøfart inkludert i denne statistikken.

Innhald

Publisert:

Du er inne i ei arkivert publisering.

Gå til den nyaste publiseringa

Transporttenester størst i 2008

Ulike transporttenester stod for i overkant av 50 prosent av tenesteeksporten i 2008, og vel 40 prosent av tenesteimporten. Både eksport og import av tenester vert dominert av handel med EU-land utanom Norden, som stod for i overkant av 40 prosent av handelen.

Innanfor eksport stod sjøtransporttenester for vel 48 prosent. Dette er ein nedgang frå 2007 på 4 prosentpoeng. Forretningsmessige tenester og petroleumstenester viste båe ein vekst på 2 prosentpoeng og utgjorde høvesvis 17 prosent og vel 10 prosent av totaleksporten. Når det gjeld import, hadde dei to største gruppene bytta plass sidan 2007. I 2008 var dermed forretningsmessige tenester størst med vel 20 prosent. Tenester knytte til transport og reiseverksemd låg på vel 19 prosent. Denne posten inkluderer delar av utanriks sjøfart, og medrekna sjøtransporttenester kjem talet opp i vel 33 prosent. Petroleumstenester stod for 16 prosent av tenesteimporten.

 
Utanrikshandel med tenester, etter tenestetype. 2008. Millionar kroner
 
Tenestetype Eksport Import
Mill. kr Del Mill. kr Del
 
I alt  184 386      &nbsp 100,0      &nbsp 161 220      &nbsp 100,0
Leiearbeid og reparasjonar 9 455 5,1 12 144 7,5
Petroleumstenester 17 572 9,5 25 516 15,8
Byggje- og anleggstenester 2 010 1,1 4 655 2,9
Agenturhandel, provisjon og mellomhandel 3 675 2,0 4 527 2,8
Jernbane- og landtransporttenester 4 013 2,2 4 844 3,0
Sjøtransporttenester 89 156 48,4 21 976 13,6
Lufttransporttenester 2 323 1,3 1 992 1,2
Tenester tilknytt transport og reiseverksemd 7 134 3,9 31 080 19,3
Post- og teletenester 4 673 2,5 6 280 3,9
Leige av transportmiddel, maskinar og utstyr 3 921 2,1 1 944 1,2
IT-tenester 4 952 2,7 5 691 3,5
Forsking og utvikling (FoU) 1 372 0,7 1 463 0,9
Forretnings- og profesjonstenester og tekniske tenester 30 462 16,5 31 629 19,6
Fritidsaktivitetar, kulturelle tenester og sport  935 0,5 2 351 1,5
Andre tenester 2 732 1,5 5 127 3,2
 
Kjelde: Statistisk sentralbyrå.

Mest frå transporttenester

Næringa transport, lagring og kommunikasjon stod i 2008 for om lag 61 prosent av all eksport og vel halvparten av all import av tenester. Næringa bergverksdrift og utvinning stod for vel 22 prosent av tenesteimporten. Dette er ein auke frå 19 prosent i 2007. Føretak innanfor forretningsmessig tenesteyting var i 2008 tredje største næring når det gjeld import av tenester, og nest størst når det gjeld eksport av tenester.

Utanrikshandel med tenester, etter hovudnæringsgruppe. 2008. Millionar kroner
 
Hovudnæringsgruppe Eksport Import
Mill. kr Del Mill. kr Del
 
I alt  184 386       100,0       161 220       100,0
Bergverksdrift og utvinning 20 597 11,2 36 132 22,4
Industri 16 663 9,0 16 081 10,0
Varehandel 3 203 1,7 7 047 4,4
Transport, lagring og kommunikasjon  111 639 60,5 78 666 48,8
Forretningsmessig tenesteyting 30 383 16,5 18 576 11,5
Andre næringar 1 901 1,0 4 718 3,0
 
Kjelde: Statistisk sentralbyrå.

Norden ein viktig marknad

EU-land utanom Norden stod i 2008 for vel 41 prosent av eksporten og 43 prosent av importen av tenester. Dette er ein reduksjon på høvesvis 1 og 5 prosentpoeng frå året før. Import frå nordiske land utgjorde om lag 22 prosent av den norske importen. Dette er ein auke frå 21 prosent i 2007. Samstundes gjekk vel 15 prosent av tenesteeksporten til dei andre nordiske landa, mot 16 prosent i 2007. Vel 16 prosent av norsk tenesteeksport gjekk i 2008 til Asia. Dette tilsvarer ein oppgang frå 13 prosent i 2007. Sentral- og Nord-Amerika låg på rundt 10 prosent når det gjeld norsk eksport av tenester og i overkant av 9 prosent når det gjeld import til Noreg.