54714_not-searchable
/utenriksokonomi/statistikker/uhtjenester/aar
54714
Transporttenester størst trass nedgang
statistikk
2011-04-05T10:00:00.000Z
Utenriksøkonomi
no
uhtjenester, Utanrikshandel med tenester, import, eksport, ikkje-finansielle føretak, tenestetypar (for eksempel sjøtransport, petroleumstenester, forsking og utvikling), samhandel, næringsgrupper (for eksempel transport, forretningsmessig tenesteyting, bergverksdrift og utvinning)Utenrikshandel, Utenriksøkonomi
false

Utanrikshandel med tenester, 2009

Variantar av denne statistikken:

Frå og med 1. kvartal 2011 vart denne statistikken publisert kvartalsvis. Frå og med 2. kvartal 2013 vart tala for utanriks sjøfart inkludert i denne statistikken.

Innhald

Publisert:

Du er inne i ei arkivert publisering.

Gå til den nyaste publiseringa

Transporttenester størst trass nedgang

Føretak innanfor næringane transport, lagring og kommunikasjon stod for meir enn halvparten av all eksport av tenester i 2009. Dei stod for nær 40 prosent av all import av tenester same året. Trass nedgang under finanskrisa var dei framleis dei største næringane.

Sjøtransporttenester stod for den klart største delen av tenester Noreg eksporterer til utlandet, med ein del på 44 prosent. Dette var ein nedgang på vel 5 prosentpoeng av den totale delen eksport av tenester sidan 2008. Forklaringa er at sjøfartsnæringa fekk tydeleg merke verknadene av finanskrisa, ved at det då vart lågare etterspørsel etter desse tenestene i utlandet. Vidare utgjer forretningsmessige tenester 16 prosent av eksporten, medan tenester knytt til olje- og petroleumstenester var lik 11 prosent.

Når det gjeld import var det tenester knytt til transport og reiseverksemd som saman med sjøtransporttenester utgjorde dei største tenestetypane. Desse kom til saman opp i vel 29 prosent, ned 4 prosentpoeng frå 2008. Tenester relaterte til petroleumsindustrien utgjer 23 prosent, opp vel 7 prosentpoeng av den totale delen import av tenester sidan 2008, med ein auke på nær 8 milliardar kroner. Forretningsmessige tenester frå utlandet stod for vel 17 prosent, ned frå 20 prosent.

Utanrikshandel med tenester, etter tenestetype. 2009. Millionar kroner
Tenestetypar Eksport Import
Mill. kr Del Mill. kr Del
I alt  177 851       100,0       147 909       100,0
Leigearbeid og reparasjonar 11 959 6,7 10 694 7,2
Petroleumstenester 20 139 11,3 33 968 23,0
Bygge- og anleggstenester 2 484 1,4 4 904 3,3
Agenturhandel, provisjon og mellomhandel 3 764 2,1 2 575 1,7
Jernbane- og landtansporttenester 3 289 1,8 3 899 2,6
Sjøtransporttenester 78 074 43,9 17 408 11,8
Lufttransporttenester 2 230 1,3  975 0,7
Tenester tilknytt transport og reiseverksemd 6 808 3,8 24 927 16,9
Post- og teletenester 5 949 3,3 5 396 3,6
Leige av transportmiddel, maskiner og utstyr 3 282 1,8 2 445 1,7
IT-tenester 5 463 3,1 5 260 3,6
Forsking og utvikling (FoU) 1 478 0,8 1 548 1,0
Forretnings- og profesjonstenenster og tekniske tenester 28 649 16,1 24 638 16,7
Fritidsaktivitetar, kulturelle tenester og sport  733 0,4 2 761 1,9
Andre tenester 3 550 2,0 6 510 4,4
Kjelde:  Statistisk sentralbyrå.

Mest tenestehandel frå transportnæringa

Når ein ser på hovudgruppene av næringar, stod næringa transport, lagring og kommunikasjon i 2009 for om lag 55 prosent av all eksport av tenester og nær 42 prosent av all import. Det er ein tilbakegang på høvesvis 6 og 7 prosentpoeng frå 2008. Føretak innanfor bergverksdrift og utvinning utgjer den nest største næringa for utanrikshandel av tenester. Næringa stod for 28 prosent av all tenesteimport, ein auke frå 22 prosent i 2008. Den stod for 9 prosent av eksporten til utlandet, ned 2 prosentpoeng. Føretak innanfor forretningsmessig tenesteyting utgjer 22 prosent av eksporten og 13 prosent av importen for utanrikshandel med tenester.

Utanrikshandel med tenester, etter hovudnæringsgruppe. 2009. Millionar kroner
Hovudnæringsgrupper Eksport Import
Mill. kr Del Mill. kr Del
I alt  177 851       100,0       147 909       100,0
Bergverksdrift og utvinning 16 098 9,1 40 811 27,6
Industri 18 198 10,2 16 367 11,1
Varehandel 3 953 2,2 5 363 3,6
Transport, lagring og kommunikasjon 98 024 55,1 61 984 41,9
Forretningsmessig tenesteyting 38 774 21,8 19 038 12,9
Andre næringar 2 805 1,7 4 345 2,8
Kjelde:  Statistisk sentralbyrå.

Utanrikshandel med tenester, etter verdsdel. 2009. Prosent

EU og Norden er Noregs største tenestemarknadar

Noregs viktigaste handelspartnarar for tenestehandel er EU-land utanom Norden, som står for vel 44 prosent av importen, og 38 prosent av eksporten. Dette er ein nedgang frå 2008, som heng saman med nedgangen i sjøfartstenester. Våre nordiske naboar står for 22 prosent av importen av tenester og 15 av eksporten. Noreg eksporterte nær dobbelt så mykje tenester til Asia som vi importerte, høvesvis 17 og 9 prosent. Sentral- og Nord-Amerika ligg på 11 prosent når det gjeld eksport av tenester frå Noreg, og 12 prosent av import til landet.

Om statistikkgrunnlaget

Statistikken over utanrikshandel med tenester inngår som ein del av datagrunnlaget til utanriksrekneskapen for Noreg. Statistikken omfattar ikkje tal for finansiell sektor, private hushald, ideelle organisasjonar og heller ikkje kommunal og statleg forvaltning. Tala som kjem fram i denne statistikken er ikkje direkte samanliknbare med tal frå utanriksrekneskapen. Sjå avsnittet Om statistikken .

Statistikken vart etablert i 2005 på bakgrunn av at Noregs Bank la ned valutastatistikken, som utgjorde ein vesentleg del av grunnlaget for utarbeidinga av utanriksrekneskapen. I denne publiseringa vert det frigjeve tal for 2009 for ikkje-finansielle føretak, inklusive næringa utanriks sjøfart. Det vert publisert tal for hovudtypar av tenester, samt tal for korleis ulike hovudnæringsgrupper opptrer med omsyn til tenestehandel med utlandet. Det vert òg gjeve eit oversyn over tenestehandel fordelt på verdsdelar.