Auka miljøtilskott i 1997

Det vart i 1997 godkjend 2100 planar om investeringsstøtte til miljøtiltak i jordbruket. Dette er ein auke på 500 planar frå 1996.

Innvilga tilskott til miljøtiltak i jordbruket auka frå 71 millionar kroner i 1996 til 95 millionar i 1997, ein auke på 34 prosent. Det er særleg omfanget av planar som omfattar gjødsellager og anlegg for silo og pressaft som aukar. Det vart i 1997 godkjend 1 385 planar som omfatta gjødsellager, 439 fleire enn året før. For silo- og presssaftanlegg vart det godkjend 770 planar. Dette er 210 fleire enn i 1996.

67 millionar kroner vart utbetalt i investeringsstøtte til miljøtiltak i jordbruket i 1997. Nord-Trøndelag fekk mest støtte, med 12,9 millionar kroner.

Den sterke auken i talet på godkjende planar frå 1997 til 1998 har samanheng med omlegging av tilskottsordninga frå og med 1998. Gjødsellager, mjølkeromsavløp og silo- og pressaftanlegg kjem frå og med 1998 inn under ordninga med bygdeutviklingsmidlar.

Tabeller

Tabell 1. Tekniske miljøtiltak. Utbetalt tilskott fordelt på type tiltak. Fylke

Tabell 2. Tekniske miljøtiltak. Godkjende planar(1). Innvilga tilskott. Fylke

Om statistikken
Statistikken over investeringsstøtte til miljøtiltak i jordbruket byggjer på søknader som Landbruksdepartementet samlar inn. Tilskotta vert gitt etter nærare retningsliner fastsett av Landbruksdepartementet.

Ny statistikk

Investeringstiltak i jordbruket, 1997.
Statistikken kjem ut årleg i Ukens statistikk og Noregs offisielle statistikk (NOS) Jordbruksstatistikk. Meir informasjon: Berit Bjørlo, tlf.62 88 55 07, e-post: berit.bjorlo@ssb.no.

Tabellregister

Ukens statistikk nr. 13, 1998