Liten auke i kjøtproduksjon

Det vart kontrollert 254 300 tonn kjøt i 1998, ein auke på 152 tonn frå året før. Sidan 1994 har samla kjøtproduksjon auka med 23 000 tonn, eller 10 prosent.

Av det kontrollerte slaktet i fjor utgjorde svinekjøt 106 400 tonn (42 prosent), storfekjøt 90 900 tonn (36 prosent) og fjørfekjøt 31 100 tonn (12 prosent). Samanlikna med 1997 har det vore ein auke i slakt av hest, storfe og svin. For dei andre dyreslaga, sau og fjørfe, har det vore ein nedgang.

Samanlikna med 1994 har fjørfe- og svinekjøt auka mest med 6 000 tonn (24 prosent) og 15 200 tonn (17 prosent). For storfekjøt har det vore ein auke på 5 prosent. I same periode har produksjonen av sauekjøt gått ned med 1 700 tonn, eller 7 prosent.

Kvartalstala frå kjøtkontrollen syner at slakt av storfekjøt har gått gradvis nedover frå 1. kvartal (26 600 tonn) til 4. kvartal (21 300 tonn) i 1998. Slakt av svinekjøt var noko større i 4. kvartal enn andre tider på året. Hausten er det slaktesesong for sau, og i 1998 kom 89 prosent av slaktemengda frå 3. og 4. kvartal.

Om statistikken
Statistikken byggjer på rapportering frå slakteri og andre via Leveranseregisteret for slakt. Leveranseregisteret blir administrert av Landbruksdepartementet.

Figur 15: Offentleg kjøtkontroll. Slakt godkjende til folkemat. Tonn

Ny statistikk
Kontrollerte slakt, 1998. Førebelse tal.
Statistikken kjem ut kvart kvartal i Ukens statistikk og årleg i Noregs offisielle statistikk (NOS) Jordbruksstatistikk. Meir informasjon: Jardbjorg.Andreassen@ssb.no,tlf. 62 88 52 36, eller Berit.Bjorlo@ssb.no, tlf. 62 88 55 07.

Tabeller

Ukens statistikk nr. 11, 1999 [an error occurred while processing this directive]