19765_not-searchable
/bank-og-finansmarked/statistikker/obligasjoner/kvartal
19765
Auke i utferding av verdipapirlån
statistikk
2008-08-01T10:00:00.000Z
Bank og finansmarked
no
obligasjoner, Obligasjonar og sertifikat, emisjonar, obligasjonsgjeld, sertifikatgjeld, verdipapirlånVerdipapirmarkeder, Bank og finansmarked
false

Obligasjonar og sertifikat, 2. kvartal 2008

Variantar av denne statistikken:

Statistikken Obligasjonar og sertifikat er frå mai 2016 slått saman med statistikken Verdipapirer registrert i VPS til ein ny statistikk, Verdipapirer. 

Innføring av ny sektorgruppering har ført til brot i statistikken. Nye tabellar inneheld tal frå og med mars 2012.

Innhald

Publisert:

Du er inne i ei arkivert publisering.

Gå til den nyaste publiseringa

Auke i utferding av verdipapirlån

Innlendingar ferda ut relativt høge volum av obligasjonar og sertifikat i 1. halvår i år samanlikna med den same perioden i fjor, særleg utanlands. Volumet som innlendingar ferda ut utanfor Noreg, var meir enn dobbelt så stort som volumet innanlands.

Emisjonar i pålydande verdi. Millionar kroner

Sektorfordeling av innanlandske låneopptak i 1. halvår 2008. Prosent

I 1. halvår 2008 ferda innlendingar ut i alt 1 292 obligasjonar og sertifikat for totalt 492,8 milliardar kroner utanfor Noreg. Samanlikna med 1. halvår 2007 gjekk talet på utferdingar og beløpet opp med høvesvis 10,2 prosent og 43,7 prosent. Dei fleste låna vart teke opp av bankar og andre finansielle føretak.

I Noreg vart det samla registrert 954 utferdingar av obligasjonar og sertifikat for totalt 245,5 milliardar kroner i 1. halvår 2008. Samanlikna med same perioden året før gikk talet og beløpet på registrerte utferdingar opp med høvesvis 2,6 prosent og 6,3 prosent. Det vart tatt opp flest sertifikatlån, i alt 500, noko som svarer til 52 prosent av utferdingane i perioden. Lånebeløpet var jamvel størst for obligasjonslån, 51 prosent av utferda beløp (i alt 126,0 milliardar kroner). Til samanlikning gjaldt 48 prosent av talet utferdingar og 52 prosent av lånebeløpet obligasjonslån i 1. halvår 2007.

Emisjonar av verdipapirlån, talet på emisjonar og pålydande verdi av emisjonane

Som tidlegare tok bankane opp flest lån (424) og det største lånebeløpet (82,3 milliardar kroner). Stats- og trygdeforvaltninga tok opp få verdipapirlån (10), men det nest største beløpet (46,7 milliardar kroner). Utlendingane, som òg er ei stor gruppe låntakarar, tok opp 11 prosent av lånevolumet innanlands. Tilsvarande tal for 1. halvår i fjor var 15 prosent.

Ved utgangen av 1. halvår 2008 var den innanlandske obligasjons- og sertifikatgjelda på 971,2 milliardar kroner. Dette er ein auke på meir enn 16 prosent samanlikna med 1. halvår 2007.

Tabeller: