Elektrisitet, april 2002

Bruttoforbruket av elkraft var 45,7 TWh for årets første fire månader, og dette er ein nedgang på 8,7 prosent samanlikna med same periode i fjor. I april gjekk forbruket ned med 7,1 prosent samanlikna med tilsvarande månad i fjor. Temperaturen har vore over normalen hittil i år, og april var ikkje noko unnatak. Landstemperaturen på 2,7 grader i april er den nest høgaste sidan dei meteorologiske målingane starta i 1866. Prisane på elektrisitet i april var 9,9 prosent lågare enn for same månad i fjor. Dei siste månadane har prisane vore høge, og dette kan ha påverka forbruket også i april

Forbruket av elkraft i kraftintensiv industri var 2 568 GWh i april, og det er ein nedgang på 7,3 prosent i høve til tilsvarande månad i fjor. Salet av tungolje til industrien var også lågt i april.

Auke i produksjonen

Produksjonen av elkraft var 9 724 GWh i april, og det er ein oppgang på 4,5 prosent i høve til april i fjor. For årets første fire månader var produksjonen 2,7 prosent lågare enn for same periode i fjor. For siste tolvmånadersperiode var produksjonen 120,6 TWh, som er 13,4 prosent lågare enn for tilsvarande tolvmånadersperiode i fjor.

Nettoimport

Det vart importert 753 GWh og eksportert 540 GWh i april. For årets første fire månader gjekk importen av elkraft ned med 36,5 prosent og eksporten auka med 79,7 prosent i høve til same periode i fjor.

Tabeller:

• Tabell 1 Produksjon, import, eksport og forbruk av elektrisk kraft. GWh. Førebelse tal