Elektrisitet, juli 2002

Produksjonen av elkraft var 9 112 GWh i juli. Det er tredje høgaste målte produksjon for denne månaden, og 31,8 prosent meir enn i juli i fjor. Den høge produksjonen kombinert med lågt forbruk førte til ein rekordstor eksport av straum. Det vart eksportert 2 282 GWh til ein verdi av 265 millionar kroner i juli. Noreg har eksportert 8 820 GWh til no i år, 97 prosent meir enn gjennomsnittet for denne perioden dei siste ti åra, til ein verdi av om lag 1,2 milliardar kroner. Fyllingsgraden i magasina låg over medianen i heile juli. Kraftprodusentar som velgjer å tappe vatn frå magasina, tek blant anna omsyn til prisar no i høve til forventa nedbør og prisar til hausten. Det har blitt produsert 75 010 GWh til no i år, og det er 6,8 prosent meir enn for tilsvarande periode i fjor. Høgast produksjon i juli var det i Hordaland med 1 347 GWh.

Forbruket ned

Forbruket av elkraft var 6 865 GWh i juli. Det er ein nedgang på 9,8 prosent i høve til same månaden i fjor, og forbruket for denne månaden har ikkje vert så lågt sidan juli 1993. Dette er sjuande månaden på rad at forbruket faller samanlikna med dei same månadane i fjor, og for heile denne perioden fall forbruket med 7,4 prosent. Månadstemperaturen var over normalen i heile landet i juli, slik den har vore i heile år. Temperaturen påverkar forbruket i større grad i vintermånadane.

Sjå også:

Vannmagasinenes fyllingsgrad

Priser på elektrisk kraft

Tabeller:

• Tabell 1 Produksjon, import, eksport og forbruk av elektrisk kraft. GWh. Førebelse tal