Sal av petroleumsprodukt og flytande biodrivstoff, september 2004, førebelse tal

Samla sal av petroleumsprodukt utgjorde 822 millionar liter i september. Det tilsvarar ein oppgang på 2,8 prosent samanlikna med september 2003.

Jetdrivstoff opp og fyringsprodukt ned

Det vart selt 62 millionar liter jetdrivstoff i september. Det var heile 24,3 prosent meir enn i same månad i fjor. Sal av lette fyringsoljer og fyringsparafin gjekk i september ned med respektive 11,9 og 16,7 prosent samanlikna med same månad i fjor.

Siste tolv månader

Dei siste tolv månadene utgjorde salet av petroleumsprodukt 9 373 millionar liter. Dette var ein nedgang på 1,4 prosent samanlikna med førre tolvmånadersperiode. Det var sal av fyringsprodukt og marine gassoljer som stod for det meste av nedgangen. Sal av bilbensin gjekk ned med 1,0 prosent til 2 220 millionar liter, medan sal av autodiesel auka med 5,1 prosent til 2 227 millionar liter. Sal av jetdrivstoff og tung fyringsolje synte også ein oppgang.

Det var 22 utkøyringsdagar i september i år som i fjor.

Tabeller:

• Tabell 1 Sal av petroleumsprodukt, etter produkt. Millionar liter. Førebels tal
• Tabell 2 Sal av petroleumsprodukt, etter kjøpargruppe. Millionar liter. Førebels tal
• Tabell 3 Sal av petroleumsprodukt, etter fylke. Tolvmånadersperiodar. Millionar liter. Førebels tal