Sal av petroleumsprodukt og flytande biodrivstoff, oktober 2004, førebelse tal

Nedgangen i salet har delvis samanheng med at det var to utkøyringsdagar færre i oktober i år enn i fjor. Totalt sal av petroleumsprodukt for dei siste tolv månadene var 9 280 millionar liter. Det var 2,6 prosent lågare enn i førre tolvmånadersperiode.

Fyringsprodukt

Sal av lette fyringsoljer og fyringsparafin gjekk i oktober ned med respektive 41,5 og 38,0 prosent samanlikna med oktober i fjor. For dei siste tolv månadene var det ein nedgang på respektive 23,2 og 21,2 prosent for dei same produkta.

Autodiesel og bilbensin

Det vart selt 198 millionar liter autodiesel i oktober, det var 6,7 prosent mindre enn i oktober i fjor. For dei siste tolv månadene var det auke på 3,8 prosent i samla sal av autodiesel. Sal av bilbensin gjekk ned med 7,1 prosent til 178 millionar liter i oktober medan salet dei siste tolv månadene vart redusert med 1,7 prosent.

Det var 21 utkøyringsdagar i oktober i år mot 23 i oktober i fjor.

Tabeller:

• Tabell 1 Sal av petroleumsprodukt, etter produkt. Millionar liter. Førebels tal
• Tabell 2 Sal av petroleumsprodukt, etter kjøpargruppe. Millionar liter. Førebels tal
• Tabell 3 Sal av petroleumsprodukt, etter fylke. Tolvmånadersperiodar. Millionar liter. Førebels tal