Sal av petroleumsprodukt og flytande biodrivstoff, mai 2008, førebelse tal

I mai i år var salet av autodiesel på 271 millionar liter. Dette er ein auke på 9,9 prosent samanlikna med same periode i 2007, då salet var på 246 millionar liter. Salet av bilbensin har i same periode blitt redusert frå 175 millionar selde liter til 164 millionar liter i år, ein reduksjon tilsvarande 6,2 prosent. Ser ein på dei to produkta samla, har salet av drivstoff auka trass i stigande drivstoffprisar. Samla vart det selt 435 millionar liter i mai, ein auke på 3,33 prosent frå i fjor. Salet av bilbensin og autodiesel står for til saman 55,6 prosent av det totale salet av petroleumsprodukt.

Andre produkt

Samla sal av fyringsprodukt vart redusert med 5 millionar liter samanlikna med mai i fjor. Det vart selt 6 millionar liter fyringsparafin i år, ein reduksjon på 18,9 prosent. Det vart selt 29 millionar liter lette fyringsoljer, ein reduksjon på 11,2 prosent.

Salet av jetdrivstoff hadde ein reduksjon på 19,9 prosent frå mai i år samanlikna med mai sist år. Det samla salet enda på 59 millionar liter i år.

Det var 20 utkøyringsdagar i mai i år, det same som i mai 2007.

Tabeller:

• Tabell 1 Sal av petroleumsprodukt, etter produkt. Millionar liter. Førebels tal
• Tabell 2 Sal av petroleumsprodukt, etter kjøpargruppe. Millionar liter. Førebels tal
• Tabell 3 Sal av petroleumsprodukt, etter fylke. Tolvmånadersperiodar. Millionar liter. Førebels tal