Sal av petroleumsprodukt og flytande biodrivstoff, juli 2009, førebelse tal

Det vart selt 169 millionar liter bilbensin i juli i år. Dette er ein reduksjon på 5,1 prosent, eller 9 millionar liter, samanlikna med juli førre året.

Salet av autodiesel vart redusert med 1,4 prosent i same perioden, noko som tilsvarar om lag 4 millionar liter. Det totale salet av autodiesel enda på 243 millionar liter i juli i år. Ser ein bere på den avgiftspliktige delen av autodieselsalet, var den på 194 millionar liter, ein auke på 4,7 prosent sett i høve til juli 2008.

Samla står salet av bilbensin og autodiesel for 52,9 prosent av det totale salet av petroleumsprodukt. Ser ein på dei to produkta samla, vart salet redusert med 2,8 prosent, eller 12 millionar liter, i juli i år, sett i høve til den same perioden i fjor.

Andre produkt

I juli i år vart det selt 74 millionar liter jetdrivstoff, ein reduksjon på 9,1 prosent eller om lag 7 millionar liter samanlikna med juli førre året. Tal frå Avinor syner ein samla tilsvarande reduksjon i flytrafikken på 9,7 prosent.

Samla var salet av fyringsparafin og lette fyringsoljer på 20 millionar liter i juli, ein reduksjon på om lag ein halv million liter eller 2,3 prosent samanlikna med juli 2008.

Salet av marine gassoljar stod for 20,1 prosent av det totale salet av petroleumsprodukt og enda på 157 millionar liter i juli, ein liten reduksjon på 1,3 prosent sett i høve til same perioden i fjor.

Det var 23 utkøyringsdagar i juli i år, mot 22 i juli 2008.

Tabeller:

• Tabell 1 Sal av petroleumsprodukt, etter produkt. Millionar liter. Førebelse tal
• Tabell 2 Sal av petroleumsprodukt, etter kjøpargruppe. Millionar liter. Førebelse tal
• Tabell 3 Sal av petroleumsprodukt, etter fylke. Tolvmånadsperiodar. Millionar liter. Førebelse tal