Sal av petroleumsprodukt og flytande biodrivstoff, august 2009, førebelse tal

Det vart selt 152 millionar liter bilbensin i august i år, ein reduksjon på 4,2 prosent eller 6,7 millionar liter samanlikna med august sist år.

Salet av autodiesel auka derimot med 4,1 prosent eller om lag 10 millionar liter i same periode og utgjorde i august i år 255 millionar liter. Ser ein berre på den avgiftspliktige delen av autodieselsalet, var omsetninga på 196 millionar liter, ein auke på 5,1 prosent frå august i fjor.

Samla stod salet av bilbensin og autodiesel for 50,2 prosent av det totale salet av petroleumsprodukt i august i år. Dette er ein auke på om lag 0,8 prosent eller 3,4 millionar frå same månaden i fjor.

Andre produkt

I august i år vart det selt 78 millionar liter jetdrivstoff, noko som er på same nivå som i august sist år.

Samla var salet av fyringsparafin og lette fyringsoljer på 27 millionar liter i august, ein auke på om lag 3,3 million liter eller 13,9 prosent.

Salet av marine gassoljar stod for om lag 18,3 prosent av det totale salet av petroleumsprodukt i august i år og enda på 148 millionar liter. Dette svarar til ein auke på 4,9 prosent.

Det var 21 utkøyringsdagar i august i år, mot 22 i august i fjor.

Tabeller:

• Tabell 1 Sal av petroleumsprodukt, etter produkt. Millionar liter. Førebelse tal
• Tabell 2 Sal av petroleumsprodukt, etter kjøpargruppe. Millionar liter. Førebelse tal
• Tabell 3 Sal av petroleumsprodukt, etter fylke. Tolvmånadsperiodar. Millionar liter. Førebelse tal