Produksjonsindeks for olje og gass, industri, bergverk og kraftforsyning, oktober 1999

Ein auke i olje- og gassutvinninga trekkjer produksjonen av energivarer opp frå september til oktober. Dette heng saman med ein auke i produksjonen frå felt som er komne i drift i år og ein auka leiteaktivitet etter olje og gass. Utvinninga av olje og gass i oktober var 2 prosent høgare enn på same tid i fjor. For perioden januar til oktober 1999 var oljeproduksjonen framleis noko lågare enn i same tidsrom i fjor. Auken i leiteaktiviteten etter olje og gass skjer frå eit lågt nivå i september, og omfanget av leiteaktiviteten har variert gjennom 1999.

Utviklinga innanfor industrien

Svakare etterspurnad og aukande konkurranse gjennom dei siste åra har sendt delar av verkstadnæringane inn i ein situasjon med svakare produksjon. Omfanget av dette vil sannsynlegvis auke framover på grunn av ei svak utvikling i ordresituasjonen. Dersom vi ser på 3. kvartal i år var tilgangen av ordre frå den norske marknaden 13 prosent under nivået på same tid i fjor. Dette har til no gått spesielt utover metallvare- og transportmiddelindustrien. God eksportretta etterspurnad har auka produksjonen i industri knytt til oljeraffinering.