Produksjonsindeks for olje og gass, industri, bergverk og kraftforsyning, november 1999

Dette heng saman med nye oljefelt som er komne i produksjon på slutten av 1999 og ein høg produksjon av naturgass. Samla olje- og gassproduksjon vil bli om lag den same som i 1998 eller noko mindre.

Utviklinga innanfor industrien

I dei elleve første månadene av 1999 var produksjonen i industrien 2,3 prosent lågare enn i den tilsvarande perioden i 1998. Svakare etterspurnad og aukande konkurranse har sendt delar av verkstadnæringane inn i ein situasjon med svakare produksjon. Omfanget av dette vil sannsynlegvis auke framover på grunn av ei svak utvikling i ordresituasjonen. Lågare samla investeringar i industrien gjennom 1999 har også verka inn på dette.

Vekst i delar av industrien

Kjemisk industri og metallindustri har hatt ei betre utvikling gjennom 2. halvår 1999 knytt til ein god eksportretta etterspurnad. Begge desse næringane har hatt ein sesongjustert auke på om lag 2 prosent gjennom dei tre siste månadene. Næringsmiddelindustrien har også hatt ei positiv utvikling gjennom den siste delen av 1999. Endringane i desse næringane har gjort at årsveksten i trenden for samla industriproduksjon er noko mindre negativ i siste halvdelen av 1999, til og med november, enn tidlegare på året.