Produksjonsindeks for olje og gass, industri, bergverk og kraftforsyning, april 2001

Sesongjusterte tal for norsk olje- og gassutvinning viste ein auke på om lag 1 prosent frå mars til april. Norsk olje- og gassutvinning var om lag 9 prosent høgare enn i same periode i fjor, viser vekekorrigerte tal. Dette hang saman med ein klår auke i oljeproduksjonen. Fleire nye felt har hatt ein auke i oljeproduksjonen gjennom 2000 og inn i dette året.

Endringar innanfor industrien frå mars til april

Produksjonen innanfor industrien hadde ein nedgang på 0,9 prosent frå mars til april i år, viser sesongjusterte tal. Dette hang saman med utviklinga innanfor nærings- og nytingsmiddelindustrien og delar av verkstadnæringane. Produksjon av kjøt og kjøtvarer i april trekkjer ned nærings- og nytingsmiddelindustrien. Maskin- og transportmiddel skil seg elles ut med ein ny sesongjustert nedgang, medan oljeplattformer kan vise til ein auke. Det har elles vore ein nedgang i forlag og grafisk industri.

Endringar siste 12 månader

Vekekorrigerte tal for industrien viser at det har vore ein nedgang på om lag 2,7 prosent frå april i fjor til april i år. Nærings- og nytingsmiddelindustri og elektroteknisk og optisk industri skil seg ut med ein klår nedgang. Metallvareindustri har hatt ein auke, viser vekekorrigerte tal.

Tal for 1. kvartal 2001

Ny informasjon frå verksemdene i utvalet har gjort det nødvendig med nokre endringar i tala for 1. kvartal 2001. Norsk olje- og gassutvinning for 1. kvartal er justert opp i høve til det som vart lagt til grunn i produksjonsindeksen for mars 2001. Etter desse endringane har det vore ein auke i norsk olje- og gassutvinning på 1,5 prosent i 1. kvartal 2001 samanlikna med same kvartal i fjor, viser vekekorrigerte tal. Produksjonen av kjemiske råvarer er elles redusert noko. Det er elles ikkje gjort nokre endringar i dei gamle tala for 1. kvartal 2001.