Produksjonsindeks for olje og gass, industri, bergverk og kraftforsyning, juni 2001

Metallvare-, maskin- og transportmiddelindustrien har hatt ein klår auke gjennom første halvår. Dette heng saman med ein stabil etterspurnad frå den norske marknaden. Plattformindustri og elektroteknisk og optisk industri skil seg ut med nedgang. Det er ein klårt lågare produksjon av radio-, fjernsyns- og telekommunikasjonsutstyr som trekkjer ned tala for den elektriske og optiske industrien. Dette skjer sjølv om andre delar av denne næringa har hatt ei positiv utvikling gjennom første halvår.

Utviklinga innan eksportindustrien

Metallindustrien har hatt ei negativ utvikling gjennom første halvår knytt til lågare etterspurnad og låge prisar. Produksjonen var om lag 5 prosent lågare enn i same periode i fjor, viser vekekorrigerte tal. Kjemisk industri har hatt ei betre utvikling med ein klår auke i produksjonen gjennom første halvår.

Lågare produksjon av energivarer

Norsk olje- og gassutvinning har hatt ein auke med om lag 1 prosent første halvår, viser vekekorrigerte tal. Ein klår nedgang i kraftproduksjon gjer at samla produksjon av energivarer har gått ned med 0,5 prosent.