Produksjonsindeks for olje og gass, industri, bergverk og kraftforsyning, juli 2002

Nedgangen innanfor innsatsvarer er på 3,3 prosent. Dette heng mellom anna saman med aktiviteten innanfor treforedling. Her har det vore ein reduksjon på over 11 prosent. Dette er knytt til produksjonen av papir og papp som har gått ned med over 17 prosent. Metallindustrien, gummi- og plastindustrien og mineralproduktindustrien er også med og trekkjer ned produksjonstala for innsatsvarer. Nærings- og nytingsmiddelindustrien, forlag og grafisk industri har også hatt ein liten nedgang. Dette har verka inn på produksjonen av konsumvarer.

Om lag same produksjon som i fjor

Norsk industriproduksjon har vore om lag uendra sidan juli i fjor, viser vekekorrigerte tal. Produksjonen av innsatsvarer og konsumvarer har hatt ei negativ utvikling, medan investeringsvarer har hatt ei positiv utvikling.

Nye tal for juni 2002

Ny informasjon har gjort det nødvendig å berekne tal for juni 2002 på nytt. Samla aktivitet innanfor olje- og gassutvinning er redusert noko. Dette er knytt til ein lågare aktivitet innanfor tenester knytt til denne næringa. For industrien er det berre små endringar. Treforedling er justert noko opp, medan transportmidlar er noko reduserte.