Produksjonsindeks for olje og gass, industri, bergverk og kraftforsyning, desember 2002

Produksjonen av innsatsvarer har hatt ein nedgang på over 4 prosent frå november til desember. Dette heng mellom anna saman med ei svak utvikling innanfor trelast- og trevareindustri og i produksjonen av kjemiske råvarer. Investeringsvarer har hatt ein nedgang på 1,5 prosent knytt til negative tal for oljeplattformer og transportmiddelindustrien.

Ned 0,6 prosent frå 2001 til 2002

Vekekorrigerte tal viser at det har vore ein nedgang på 0,6 prosent i norsk industriproduksjon gjennom 2002, samanlikna med 2001. Det har då vore ein nedgang på noko over 1 prosent i produksjonen av innsatsvarer, medan det har vore ein nedgang på 1,7 prosent i produksjonen av konsumvarer. Investeringsvarer har hatt ein auke i produksjonen. Grunnlaget for dette er knytt til utviklinga gjennom første halvår av 2002, viser sesongjusterte tal. Utviklinga for investeringsvarer har sidan endra seg i negativ retning både gjennom tredje og fjerde kvartal av 2002.

Vekekorrigerte endringstal for desember 2002

Vi har lagt til grunn eit omfang av driftsstans i samband med jul og nyttår for 2002 som er det same som for 2001. Dette gjeld først og fremst verkstadnæringane og i grafisk industri. Når vi legg dette til grunn, blir det ein arbeidsdag meir i desember 2002 enn i desember året før. Vekekorrigerte endringstal må difor tolkast med varsemd.