Produksjonsindeks for olje og gass, industri, bergverk og kraftforsyning, november 2003

Det har då vore ein nedgang på 0,6 prosent i produksjonen av innsatsvarer. Dette kjem etter ein auke på 1,4 prosent i to periodar tidlegare i 2003. Det har vore ein liten nedgang i produksjonen innanfor treforedling, medan kjemiske råvarer har hatt ein liten auke i dei tre siste månadene. Ikkje-jarnhaldige metall auka med 2,6 prosent.

Produksjon av investeringsvarer

Produksjonen av investeringsvarer har hatt ein nedgang på 1,8 prosent dei tre siste månadene i fjor. Det har vore ein auke på 0,1 prosent frå oktober til november 2003. Aktiviteten innanfor transportmidlar er framleis i nedgang, men ikkje i same grad som tidlegare i 2003. Det er også nedgang i elektroteknisk og optisk industri.

Konsumvarer

Det har vore auke i produksjonen av konsumvarer gjennom dei tre siste månadene. Endringa er rundt 1 prosent og om lag den same som i dei tre førre månadene. Både varige og ikkje-varige konsumvarer har hatt ein auke. Produksjonen innanfor nærings- og nytingsmiddelindustrien har hatt ein auke på 0,7 prosent samanlikna med perioden før.