Produksjonsindeks for olje og gass, industri, bergverk og kraftforsyning, mars 2004

Produksjonen av innsatsvarer har hatt ein auke på over 3 prosent. Dette heng mellom anna saman med produksjonen av ikkje-jarnhaldige metall som held fram med å auke. Ny produksjonskapasitet er i ferd med å bli teken i bruk, og ein auka ordretilgang frå eksportmarknaden til gode prisar held oppe aktiviteten i næringa. Trelast- og trevareindustrien har også hatt ei positiv utvikling knytt til situasjonen i heimemarknaden.

Produksjon av investeringsvarer

Produksjonen av investeringsvarer har hatt ein auke på om lag 2 ½ prosent frå februar til mars, etter ein litt mindre auke i månaden før. Dei fleste næringane innanfor investeringsvarer har hatt auke i mars 2004. Dette heng saman med ei viss betring i heimemarknaden. Maskinindustri og elektrisk og optisk industri skil seg ut med ein klår auke. Det er framleis berre mindre endringar for transportmiddel og oljeplattformer. Dersom vi ser på dei siste tre månadene har det likevel vore ein liten nedgang i produksjonen av investeringsvarer samanlikna med perioden før, viser sesongjusterte tal.

Nye vekter i produksjonsindeksen for industrien for 2004

Tal for januar til mars er berekna med nye og oppdaterte vekter for 2004. Det er ikkje gjort større endringar i tala for januar og februar 2004 elles. Nye vekter er no tilgjengelege til venstre i skjermbiletet.