Produksjonsindeks for olje og gass, industri, bergverk og kraftforsyning, april 2004

Produksjonen av ikkje-jarnhaldige metall har hatt ein auke på neste 5 prosent i denne perioden. Dette er knytt til god eksportretta etterspurnad og ein auke i produksjonskapasiteten. Det har elles vore ein klår auke i produksjonen innanfor trelast og trevareindustrien. Dette heng saman med god etterspurnad frå heimemarknaden.

Nedgang for konsumvarer

Produksjonen av konsumvarer har hatt ein nedgang på 1 prosent dei siste tre månadene, samanlikna med perioden før. Nærings- og nytingsmiddelindustrien og forlag og grafisk industri trekkjer ned aktiviteten. Norsk møbelindustri går derimot godt og har hatt ein auke dei tre siste månadene.

Investeringsvarer

Produksjonen av investeringsvarer er om lag uendra siste periode. Elektroteknisk og optisk industri har hatt ein auke. Dette er knytt til ein auke i etterspurnaden frå utlandet. Transportmiddelindustri har hatt ein nedgang, noko som er vesentleg knytt til bygging av skip. For plattformindustrien, metallvare- og maskinindustrien er det berre små endringar, der det gjennom 2003 til dels har vore klår nedgang.