Produksjonsindeks for olje og gass, industri, bergverk og kraftforsyning, mai 2004

Innsatsvarer har hatt ein auke på 2,4 prosent i denne perioden. Dette heng saman med ein vekst i eksporten av tradisjonelle varer. Dette har gjeve positive utslag for næringar som ikkje-jarnhaldige metall og treforedling. Ikkje-jarnhaldige metall har hatt ein auke på 5,2 prosent, medan endringane i treforedling har vore på 3,3 prosent. Trelast- og trevareindustrien har også hatt ein auke. Dette heng saman med god etterspurnad frå heimemarknaden.

Investeringsvarer

Investeringsvarer har hatt ein vekst på 1,2 prosent i dei tre siste månadene. Dette heng saman med positive endringar innanfor oljeplattformer og i elektroteknisk og optisk industri. Det har vore ei viss betring i aktiviteten innanfor oljeplattformer gjennom 1. halvår i år. Dette er knytt til aukande investeringar og aktiviteten knytt til dei eksisterande feltutbyggingane. For elektroteknisk og optisk industri er auken knytt til ein betra etterspurnad frå utlandet. Maskinindustrien har elles hatt ein auke på 1,4 prosent.

Konsumvarer

Det har vore ein nedgang på 2,1 prosent i produksjonen av konsumvarer dei tre siste månadene, samanlikna med perioden før. Nærings- og nytingsmiddelindustrien har hatt ein nedgang, medan det har vore ein auke for norsk møbelindustri. Transportarbeidarstreiken i mai i år har verka inn på produksjonen i delar av norsk nærings- og nytingsmiddelindustri.