Produksjonsindeks for olje og gass, industri, bergverk og kraftforsyning, juli 2005

Produksjonen av innsatsvarer hadde ein vekst på 2,4 prosent. Dette heng saman med ein auke innanfor til dømes produksjonen av kjemiske råvarer og i trelast- og trevareindustrien. Veksten i produksjonen av kjemiske råvarer var knytt til ein god eksportretta etterspurnad og ein aukande produksjonskapasitet i næringa. Ein klar vekst i byggeverksemda i Noreg gjennom 2005 har verka inn på produksjonen i trelast- og trevareindustrien. Elles hadde metallindustrien og treforedling ein liten auke i produksjonen frå mai til juli i år, samanlikna med månadene før.

Investeringsvarer

Det var ein vekst på 2,2 prosent i produksjonen av investeringsvarer frå mai til juli i år samanlikna med dei tre førre månadene. Maskin- og transportmiddelindustrien hadde ein klar vekst. Dette var knytt til auken i norsk skipsbygging i 2005 med utrustning av nye forsyningsskip og offshorespesialfartøy. Arbeid med landanlegg og undervassløysingar til dei eksisterande feltutbyggingane på norsk kontinentalsokkel har gjeve vekst i plattformnæringa frå mai til juli i år samanlikna med månadene før. Metallvareindustrien og elektroteknisk og optisk industri har også hatt ein auke i produksjonen i same periode.

Konsumvarer

Produksjonen av konsumvarer hadde ein auke på 1,9 prosent frå mai til juli år samanlikna med dei tre førre månadene. Dette var knytt til vekst innanfor næringsmiddelindustrien og i møbelindustri og annan industri, medan det var ein mindre auke i forlag og grafisk industri.

Tabeller

Tabeller til publiseringen