Innhald
Publisert:
Du er inne i ei arkivert publisering.
Små endringar i industrien
Norsk industriproduksjon var om lag uendra frå juni til august i år samanlikna med perioden frå mars til mai, viser sesongjusterte tal. Produksjonen av innsatsvarer hadde ein auke, medan investeringsvarer hadde ein liten nedgang.
Produksjonen av innsatsvarer hadde ein auke på 1,9 prosent frå juni til august samanlikna med den førre perioden på tre månader. Dette hang saman med vekst i produksjonen av ikkje-jarnhaldige metall og kjemiske råvarer. Trelast- og trevareindustrien har også hatt ein liten auke i produksjonen.
Investeringsvarer
Produksjonen av investeringsvarer hadde ein nedgang på 0,3 prosent frå juni til august i år samanlikna med perioden frå mars til mai. Transportmiddelindustrien og elektroteknisk og optisk industri hadde ein liten nedgang i produksjonen, medan maskinindustrien og oljeplattformer hadde ein auke.
Konsumvarer
Det var berre mindre endringar i produksjonen av konsumvarer frå juni til august samanlikna med perioden før. Nærings- og nytingsmiddelindustrien hadde ein auke, medan forlag og grafisk industri hadde ein nedgang.
Endringar frå juli til august 2005
Sesongjusterte tal frå den siste perioden er alltid usikre og særskild i samanheng med periodar med ferieavvikling i industrien. Det er difor naturleg å sjå på tal for juli og august i samanheng og samanlikne gjennomsnitt over tre månader.
| Produksjonsindeksen for industrien. August 2005. Prosentvis endring |
| Vekekorrigert 1 | Sesongjustert | ||||||||||||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| August 2004- august 2005 | Januar-august 2004- januar-august 2005 | Juli-august 2005 | Mars-mai 2005- juni-august 2005 | ||||||||||||||||||||||||||||||||||||
| Totalindeksen | 10,6 | -1,3 | 4,2 | -2,3 | |||||||||||||||||||||||||||||||||||
| Olje- og gassutvinning | 16,4 | -4,1 | 9,0 | -2,8 | |||||||||||||||||||||||||||||||||||
| Industri | -0,7 | 3,1 | -3,2 | -0,1 | |||||||||||||||||||||||||||||||||||
| Kraftforsyning | 24,4 | 27,3 | -5,6 | -7,7 | |||||||||||||||||||||||||||||||||||
| Etter varetype | |||||||||||||||||||||||||||||||||||||||
| Innsatsvarer | -1,7 | 2,9 | -3,7 | 1,9 | |||||||||||||||||||||||||||||||||||
| Investeringsvarer | 2,6 | 6,5 | -2,2 | -0,3 | |||||||||||||||||||||||||||||||||||
| Konsumvarer | -2,8 | 0,2 | -4,6 | 0,1 | |||||||||||||||||||||||||||||||||||
| Energivarer | 18,0 | -1,5 | 8,7 | -3,2 | |||||||||||||||||||||||||||||||||||
| 1 | Omrekna til standardmånad og korrigert for ulike tal arbeidsdagar per veke. |
Tabeller
Finn fleire tal
Finn detaljerte tal frå Produksjonsindeksen for olje og gass, industri, bergverk og kraftforsyning
Kontakt
-
Produksjon og omsetning
E-post: prodoms@ssb.no