Produksjonsindeks for olje og gass, industri, bergverk og kraftforsyning, september 2005

Produksjonen av innsatsvarer hadde ein nedgang på 0,6 prosent. Dette heng saman med ein reduksjon i treforedling og i produksjonen av silisium. Aukande konkurranse frå Kina og sviktande etterspurnad frå eksportmarknaden har verka inn på treforedling og i produksjonen av silisium gjennom 2005. Metallindustrien utanom ikkje-jarnhaldige metall hadde også ein nedgang i tredje kvartal.

Investeringsvarer ned

Produksjonen av investeringsvarer gjekk ned med 1,2 prosent i tredje kvartal i år samanlikna med kvartalet før. Transportmiddelindustrien og elektroteknisk og optisk industri hadde liten reduksjon i produksjonen, medan maskinindustrien og metallvareindustrien hadde ein auke. Det er venta ein vekst i produksjonen av transportmiddel utover hausten 2005 knytt til dei store ordrereservane hjå fleire norske skipsverft. Samstundes er det slik at nokre verft framleis har mindre enn full aktivitet fordi ordrereservane er ulikt fordelte innanfor næringa. Det var berre mindre endringar i produksjonen av oljeplattformer gjennom siste kvartal og aktiviteten knytt til feltutbygging og landanlegg har halde seg på det høge nivået frå andre kvartal i år.

Reduksjon for konsumvarer

Det var ein reduksjon på 0,4 prosent i norsk produksjon av konsumvarer i tredje kvartal i år samanlikna med kvartalet før. Nærings- og nytingsmiddelindustrien hadde ein auke, medan produksjonen i forlag og grafisk industri og i møbelindustrien gjekk ned.

Sesongjusterte endringstal

Sesongjusterte endringstal for tredje kvartal 2005 må vurderast opp mot endringane i andre kvartal. Det var då ein klår auke i norsk industriproduksjon samanlikna med første kvartal 2005.

Tabeller